Read Chang Naga NYENSANG CHIA 30 Bible Online

NYENSANG CHIA 30 - Chang Naga bible

NYENSANG CHIA 30

¹Ngei no khangenkho, O BUNYUBOU, aieilausi nyi ngo phonkei; hoba ngeibü dangbou shuongei kü thüka aolinti.

²O BUNYUBOU, ngeibü Mühghaü, ngei kato thuibü shanga ngekkei hoba nyi ngo maitia.

³O BUNYUBOU, nyi kü soushou Sheol yemkhün maang ka leiyenkei. Ngo püngkhün to ütlabü lele nyi ngeibü langkei phokukei.

⁴BUNYUBOUeibü nyensang lauashi, O kan haoeibü saopobü shuong; hoba haoeibü saopobü nyen sangashi.

⁵Aieilausi haoeibü khauang longche ong; haoei maangshikbü langkei sünga; Haapbü you che ong kila thükkei, lausikei olinbü ngeyang louda.

⁶Ngeije ngeibü naangmaibüa laukei, ngo ladangkei atopeilabü.

⁷BUNYUBOU nyi maangshikbüei hau kibü shongh tegü ngo lotikei. Ladang nyi kaibü thenyek hukei ngo maang apbo kikei.

⁸O BUNYUBOU, ngei ka to ngekkei, hoba BUNYUBOU to ngei sukeijakei.

⁹Ngo püngkhün to atsi ngo haibü kho ai ku? Thamnguei no sanglep lo? khoei ngeibü mailembü ngetilep lo?

¹⁰Ditashi, O BUNYUBOU, hoba kü to onoukai; BUNYUBOU, no ngeibü thuibou yingshi.

¹¹Nyi kü shanga ngeibü manghaapbüei tombülakbü yeitia; nyi ngeibü senounei sengkukei hoba olinbüei shembe kaikua.

¹²Hibü ngei ka la nyensang chia atkulabü, hoba ngüh üangko akilabü; O BUNYUBOU ngeibü Mühghaü, thon akiko ngei no sanglabü.