Read Chang Naga NYENSANG CHIA 33 Bible Online

NYENSANG CHIA 33 - Chang Naga bible

NYENSANG CHIA 33

¹O Saopobü shuong, kanei BUNYUBOU to olinashi; tangbou kho sangla muakei.

²Kongkinei BUNYUBOU la nyensang kuashi, nam lüh an yembü kongkinei hao la nyensang kuashi.

³Hao la chia haanbü che atkuashi; maanglimaangsangei ngüh yaangbü yoa kongkin tuokashi.

⁴Aieilausi BUNYUBOUeibü ngüh tangbü ki; hoba haoeibü kümsilei pendou maanglemenko kümda.

⁵Haoei saopobü hoba ngühmai matjem sanouda, BUNYUBOUeibü üeisanouei kaodak shenko kia.

⁶BUNYUBOUeibü ngühei müh shuong kümbei; hoba haoen dan pendou haoeibü sembung hakei kümbei.

⁷Haoei yungnyu dei neimok chenei tegü yoshaida, haoei yungnyu haübü shuong bunga thanda.

⁸Kaodak pendouei BUNYUBOU to hatashi; kaodaka kibü pendouei hao to hatko loashi.

⁹Aieilausi haoei laukei hoba kho yeikei; haoei ngühkhüm sakkukei hoba kho lokei!

¹⁰Phangshuongei songlenbü ngüh BUNYUBOUei kongkong yeitida; mütshuongeibü kümthen leithen lusaktikuda.

¹¹BUNYUBOUei songlenbü ngüh, haoeibü maangpona dambü meten meten ühangda.

¹²Laobou phangeibü Mühghaü kho BUNYUBOU ki, phang laobou haoei jembü phetphanla piena, kho haübou!

¹³BUNYUBOUei khuthük ka chühan yantida; shedbü mütshuong pendou hapda.

¹⁴Haoei kaodaka kibü shuong to chühda, hao setshang ka chühda.

¹⁵Haoei ong haoen pendoueibü maangpon kümda; hoba haoeneibü kümsilei pendoua damanchühda.

¹⁶Sekbülakbü tan yaangbü cheei Choba akhümenda; haoeibü hau yaangbüei lakjaibou che akhümenda.

¹⁷Thükla shanga wapyobü koli kho amlang, hoba haoeibü hau yaangbüei akhümen.

¹⁸Chühashi aoyouei BUNYUBOU to souhatda, aoyouei haoeibü üeisanoua maanglemda, haoen to haoei nyek pükda.

¹⁹Haibü ka haoei haoen langkei püetlabü, hoba mühsinou ka haoen langkei püetlabü.

²⁰Küneibü soushouei BUNYUBOU haiyeida; hao kün thuibou hoba aih.

²¹Haü haoeibü saopobü nyena mailembüei, küneibü maang hao to olinlabü.

²²O BUNYUBOU, künei ka to maanglem phobü thüng, kaibü üeisanou kün to kitishima.