Read Chang Naga NYENSANG CHIA 39 Bible Online

NYENSANG CHIA 39 - Chang Naga bible

NYENSANG CHIA 39

¹Ngei laukei, “Ngeibü lishangei shabü ashonla shanga, ngo haushanga maangsangkho. Amaibou kü thedanga kishongko, ngei ngeibü sembung thepetkho.”

²Ngo ngüh üangko küpetan kikei, ngo ngühangbü kho ai aying; lausikei ngeibü khonku aei amaibou yeikei.

³Kü to kü maangponei juokkei, ngo damanchühko kitoua wan kho longkei; kheijinei ngei ngeibü lishangei joyokei;

⁴“BUNYUBOU, kü la ngeibü thonbü ngetikai, hoba ngeibü langkei lühbak ai ki kü la ngetiashi; ngeibü langkei lai panteiko haula kü la ngetiashi.”

⁵Chühashi, nyi kü langkei ikkam che ong yeitikua; hoba ngeibü langkei salang ka thedanga ai tegü aying. Maimaitham mütpem weko jembü maiboutham thua hak kong ki.

⁶Maimaitham mütpem weko mang tegü ong paida; maimaitham hak tegü ong haoen topeida. Haoei nyaksinam thanshaida, lausikei khübü kho aoei haushaila haoei angekei.

⁷Hobaje tou, BUNYUBOU, ngei aishanga haiyeida? Ngeibü maanglem ka to ki.

⁸Ngühkhüm leilubü pendou ka nyi ngo senetashi; jim akibü shuongei nyikulabü lele ngo teyeiti.

⁹Ngo semetham kikei, ngei kü sembung aip! aieilausi kho nyi kümbei.

¹⁰Kaibü shieikoe kü ka bangtiashi; kaibü ikei ngümsi ngo mauda.

¹¹Shedbü shanga ladang nyi hakbüei müt tangtikuda, nyi haoei mangsühbü keklak hap tegü mautikuda. Maimaitham müt pendou hak kong ki.

¹²Ngeibü welau ditshi O BUNYUBOU, hoba ngei ngekbüa nou hangkushi.

¹³Ngo haka satan touje akiko ayeijinei, ngei olin haplabü lele nyi kü ae thenyek teyei.