Read Chang Naga NYENSANG CHIA 4 Bible Online

NYENSANG CHIA 4 - Chang Naga bible

NYENSANG CHIA 4

¹O ngeibü saopobü Mühghaü, ngei ngajinei kü to jongaikai. Ngo khonsaka kijinei nyi kü to thuida. kü to sanoudamkai hoba ngeibü welau ditshi.

²O mütshuong, lalokche ngeibü soneikangbü yantila? Kanei lalokche amlangbü sanoula, hoba yepeijawebü lamla?

³Lausikei Mühghaü to hatbü müt BUNYUBOUei hao shanga saüenan shanenan phoakei dogo ngeashi. Ngei BUNYUBOU to ngajinei haoei ditda.

⁴Khauangashi, lausikei shed teshon; kaibü yepshanga kaibü maangpon yoa joyoashi, hoba sangsembo kishi.

⁵Saopobü lembü kuashi, hoba BUNYUBOU to maanglemashi.

⁶Juongei laulabü, Aoei kün to denche maibü lenla, O BUNYUBOU, kaibü ngesak kü to haukushi.

⁷Haoen youshou si ih aei yeijinei olinbü to aei, nyi kü maangpona olinbü jinkua.

⁸Ngo haksoko lengkho hoba nyeket shikho; aieilausi, BUNYUBOU, nyi ong ngo satentida.