Read Chang Naga NYENSANG CHIA 43 Bible Online

NYENSANG CHIA 43 - Chang Naga bible

NYENSANG CHIA 43

¹Kü mat jemashi, O Mühghaü, hoba Mühghaü angebü phang che khulimbo kü shanga pü lekushi; khüpbülangbü hoba ngühmaangalanbü müt ka ngo khümenashi.

²Aishanga no ngeibü hau Mühghaü, ao to ngo satenda; nyi ngo aila apbei? Dangbouei shieikoebü shanga ngo aila manghaapda?

³Kaibü ngesakbü hoba ngühmai hautishi; haoen la ngo leitiashi. haoenei ngo kaibü saopobü shongh to hoba kaibü lemshang to leibatiashi.

⁴Kheijinei ngo Mühghaü lemshang to ngeibü olinbü yaang Mühghaü jungto haulabü, hoba O Mühghaü, ngeibü Mühghaü, kongkin tuokko ngei no sanglabü.

⁵O ngeibü langkei, no aila maang apda, hoba no aila senyüh ashemda? Mühghaü to maanglem phoashi aieilausi ngei hao nyibou sanglabü, ngo khümenbou hoba ngeibü Mühghaü.