Read Chang Naga NYENSANG CHIA 44 Bible Online

NYENSANG CHIA 44 - Chang Naga bible

NYENSANG CHIA 44

¹Shangied, nyi küneibü pisishuong to ai kümsilei kümbei, künei küneibü nouei ditda, O Mühghaü; küneibü pisibouei kün la lena.

²Nyi kaibü ikei phangshuong shian apbei, lausikei nyi bousi shuong kekei; nyi phangshuong khonkutikei, lausikei pisishuong naangmaitikei.

³Aieilausi haoenei jembü inei kao kho athük, ayingsi haoeneibü insiaubuei thük ühüp; Lausikei kaibü mae ikei hoba kaibü phemei hoba kaibü soneikangbüei ong thükkei; aieilausi nyi haoen to maangshikkei.

⁴No ngeibü Choba hoba ngeibü Mühghaü; Jakob shanga khümenlabü ngühkhüm kuashi.

⁵No danko künei kün khulimbü shuong tuongtilabü; ka nyena künei kün khulimbo meimeibü shuong nakeilabü.

⁶Aieilausi ngei ngeibü bulau to maanglemda, hoba ngeibü inei ngo akhümen.

⁷Lausikei kün khulimbü shuong ka nyi kün khümenkei; hoba kün to mangsenbü shuong himou bautia.

⁸Chalou sünga künei Mühghaü to the lenena, hoba thon akiko künei ka la nyensang kulabü.

⁹Lausikei tou nyi kün apyoa hoba chühajanko yeitia; hoba küneibü lakjaibü dan yoa ohau.

¹⁰Dangbou ka nyi kün sepeitida, hoba aoyouei kün to mangsenda haoenei jembü shanga soshau soyungda.

¹¹Shaula shanga pienan phobü san tegü nyi kün kua; hoba küksithang kaoa kün lintia.

¹²Ai munam akiko nyi ka mütli yaakda; hoba haoeneibü munamei kaibü nyaksinam ühaa.

¹³Küneibü lepbü sangmang thedanga nyi kün hakeilabü müt yeitida; kün kaijembo kibü shuong thedanga nyi kulabü hoba aweasünglabü yeitida.

¹⁴Phang shuong yoa nyi kün shaitailabü ngüh la yeitida; müt shuong yoa khu ngomlabü lele yeitida.

¹⁵Haklabü hoba nyikubü ngüh kibü haangjung, dangbou hoba phoklambü kibüei.

¹⁶Chalou sünga ngeibü soumo akakbü kü thedanga kia, hoba ngeibü thenyek himouei ngo küplepa.

¹⁷Ho pendou kün jungto loua; khei yingasikei künei no amaa; hoba kaibü theyolanyobü ayepei.

¹⁸Küneibü maangpon sepeinyu angai, hoba küneibü you kaibü lamnyu ka abang.

¹⁹Khei yingsikei selong kishanga nyi kün maiko leilutia, hoba haibü yemkauei kün küplepbua.

²⁰Künei küneibü Mühghaü nyen maan kialonga, ayingsi küksithang mühghaü jungto ik shingan kia longa,

²¹Mühghaüei kho alamenlep lo? Aieilausi haoei maangpon huphang ngüh ngekei.

²²Haü, ka shanga chalou sünga kün haitida; haitilabü san tegü kün weeida.

²³Piashi, no aila yepla, O BUNYUBOU? Meimeiashi, kün thon akiko tüp.

²⁴Aila nyi kaibü thenyek huda, hoba küneibü khonku hoba khonsak maan apda?

²⁵Aieilausi küneibü langkei thamngu sühko nyemjung atan kia; küneibü mang kaoa khanglepda.

²⁶Kün to thuila meimeiashi! Hobaje kaibü üeisanou nyen shanga kün khümenshi.