Read Chang Naga NYENSANG CHIA 46 Bible Online

NYENSANG CHIA 46 - Chang Naga bible

NYENSANG CHIA 46

¹Mühghaü sen satenshang hoba hau, khonsaka thuibü nyangboutham.

²Hibü kaodak jeileisikei; hoba shongh shuong yungnyu to tonjung atasikei;

³khünei kibü dei ngühsikei hoba shoueisikei, kho shoueibü khoei shongh shuong nyaakeisikei sen ühütlabü.

⁴Shumang che kia, haoeibü shushou shuong khoei Mühghaü sangnyu, Thükkaboueibü lemshang kishang olintida.

⁵Mühghaü khünei kia, hao atopeilabü, Mühghaüei hao to thuilabü, thuibü tongde loulabü.

⁶Phangshuong khauangda sangle shuong lusakda; haoei ngüh longda, kaodak tühnyinda.

⁷Thükenbou BUNYUBOU sen yoa kia; Jakob Mühghaü sen satenshang.

⁸Kaiya BUNYUBOUei kümbü kümsilei shuong, hoba haoei kaodaka ai ong leilubü kümbei chühashi.

⁹Kaodak thonbü sühkoa haoei wapyo thaktida, haoei bulau leilutida hoba aubu wapthetda; haoei wapyobü kailong wana jikda.

¹⁰Sangsembo kishi, hoba ngo Mühghaü dogo ngeashi; phangshuong yoa ngo tonenlabü, kaodaka ngo tonenlabü.

¹¹Thükenbou BUNYUBOU sen yoa kia, Jakob Mühghaü sen satenshang.