Read Chang Naga NYENSANG CHIA 47 Bible Online

NYENSANG CHIA 47 - Chang Naga bible

NYENSANG CHIA 47

¹O phangshuong, kan ik ipashi; thük hapbü ngühlangei Mühghaü to ngekashi.

²Aishanga Thükkabou BUNYUBOU hatlamoklabü che; kaodak pendoua hao Choba yaangbü ki.

³Mütshuong sen phang to hoba phangshuong seneibü you phang to haoei senyanlabü.

⁴Haoei sanoubü Jakobei maangdühbü seneibü phet sen shanga haoei pienlabü.

⁵Mühghaü ngekko angkei, BUNYUBOU teklaang ngühlang yoa angkei.

⁶Mühghaü to nyensang chia lauashi, nyensang lauashi; seneibü Choba to nyensang lauashi, nyensang lauashi.

⁷Aishanga Mühghaü kaodak pendou Choba ki; kanei ditenan nyensang chia lauashi.

⁸Phangshuong thüka Mühghaüei songdakda; Mühghaü hao saopobü Choba setshanga setda.

⁹Abraham Mühghaü mütshuong yoa, phangshuong Choba shuong kamsheian kia; aishanga kaodakeibü aih shuong Mühghaüeibü ki; hao aeibou tonenakei.