Read Chang Naga NYENSANG CHIA 5 Bible Online

NYENSANG CHIA 5 - Chang Naga bible

NYENSANG CHIA 5

¹O BUNYUBOU, ngeibü ngüh to nou haangbü, hoba ngo maangnoubü to damanchühbüma.

²Ngeibü Mühghaü hoba Choba, ngeibü ngüh ditkushi!

³O BUNYUBOU ngeyang nyi ngeibü ngüh ditda, ngeyang ngei ngeibü welau ka ae yeitilabü hoba haiyeilabü.

⁴Aieilausi no amaibüa maanghaibü Mühghaü che aying; ayingsi amaibüei ka yoa akilabü.

⁵Yonglam lilibüei ka thedanga alolabü, nyi shedbü jungeibü pendou to mangsenda.

⁶Yepeijawebü shuong nyi mautida; BUNYUBOUei sii mühbü shuong hoba khüpbü langbü müt mangsenda.

⁷Lausikei ngoje kaibü sanou yaangbü danko kaibü chem to lotlabü ka to soumo hatko ngei kaibü saopobü lembü chem ae lemlabü.

⁸Ngeibü dangbou shuong kia, hibü O BUNYUBOU, nyi ngo kaibü saopobüa leishi; kü thedanga kaibü lamnyu tangsheitham yeitikushi.

⁹Aieilausi haoeneibü sembunga ngühmai aki; haoen maangaenei aeibou leiluan kia; haoeneibü sanglou ipan kibü heedang ki, haoeneibü lishangei yepeijawebü ong sangda.

¹⁰Haoen shedbü dogo weeiashi, O Mühghaü, haoen jembü chemphang songlen ngühei tuongtiashi, Haoen shedbü juong yoa apashi, aieilausi haoenei ka khulimbo meimeikei.

¹¹Lausikei aoyouei ka to maanglemda, haoen pendou olintishi; olinbüei haoenei ponpen chia lautiashi, hoba nyi haoen khümenshi. Tokei aoyouei kaibü nyen sanouda, haoen ka to olintishi.

¹²Aieilausi nyi saopobü shuong haükuda; O BUNYUBOU, aihei tegü kaibü maangshikei nyi haoen kaplepda.