Read Chang Naga NYENSANG CHIA 53 Bible Online

NYENSANG CHIA 53 - Chang Naga bible

NYENSANG CHIA 53

¹“Mühghaü aki,” dogo ngoubüloubüei jembü maangpona lauda. Haoen haangalongbü, haoenei mangsenlabü shabü küma; maibü kümbü ao aki.

²Mühghaü lambü müt at kiasi aki, ditenbü at kiasi aki ngela shanga, Mühghaüei khuthük ka khunakshousi to chühan yantikei.

³Haoen mütpem weko sepeinyu ngaia; haoen chemala amaiko apa, maibü kümbü aokei aki.

⁴“Amaibü kümbü shuong aoyouei wentek shaubü tegü kü mütli shaukümda, hoba Mühghaü nyena angada haoen to songsido aki lo?”

⁵Hatlamoklabü akinyu, haoen hatbü yaangan kikei, aieilausi Mühghaü to ühütbü lo Mühghaüei phinnyintia. Nyi haoen himou bautida, aieilausi Mühghaüei haoen asunglet.

⁶O Israel khümenbou Zion ka longtilabü! Ladang Mühghaüei jembü mütli langsenbü ka leian longeilaje, kheijinei Jakobei uihinlabü hoba Israel olinko kilabü.