Read Chang Naga NYENSANG CHIA 54 Bible Online

NYENSANG CHIA 54 - Chang Naga bible

NYENSANG CHIA 54

¹O Mühghaü, ka nyenei ngo khümenashi; hoba kaibü haua kümat jemashi.

²O Mühghaü, ngeibü welau ditashi; ngeibü ngüh to nou haangkushi.

³Aieilausi yenbou kü khulimbo meimeida, hoba müt maangamaibüei ngeibü langkei lamda; haoenei haoen thedanga Mühghaü apho.

⁴Chühashi, Mühghaü kü to thuibou ki; aoei ngeibü langkei senetda, BUNYUBOU haoeneibü ki.

⁵Haoei amaibü kho ngeibü dangbou la kungailabü; Nyi kaibü ngühmaia haoen mautishi.

⁶Amakhetko ngei ka la lembüsabü kukho, O BUNYUBOU, ngei ka nyen sangbü lenkho, aieilausi kho maibü ki.

⁷Aieilausi haoei ngo khonsak juong ka khümena; hoba ngeibü dangbou shuong thükenbü kü nyekei hapa.