Read Chang Naga NYENSANG CHIA 56 Bible Online

NYENSANG CHIA 56 - Chang Naga bible

NYENSANG CHIA 56

¹Kü to sanoudamkai, O Mühghaü, aieilausi haoei ngo suian aplabü; Chalou angboua haoei kü to wapyoda.

²Chalou angboua ngeibü dangbouei ngo suila shieida; aieilausi lilisese ngo khulimbo wapyobü juong.

³Laonyet ngo hatlaje, ngei ka to maanglem pholabü.

⁴Mühghaü to ngei haoeibü ngüh sanglabü; Mühghaü to ngei ngeibü maanglem phoa, ngo ühütlabü.

⁵Chalou angboua haoenei ngeibü ngüh sepeisaikuda, amaibü shanga haoeneibü dambü pendou ngo khulimbo kia.

⁶Haoenei kü langkei shanga ngühthang yenan liko ong kamsheida; haoenei haoen lolo thoan haoenei ngeibü youmo phanda.

⁷Shabü shonan haoen satenlep sai? Khau angbüa phangshuong apashi, O Mühghaü.

⁸Ngeibü khonsak nyi weanchühda; kü nyeksi nyi kaibü thungdoua phoashi; khübü kho kaibü dobü lea akilo?

⁹Ngei ka to ngabü chaloua ngeibü dangbou shuong sepeinyu satlabü; ho ngei ngekei, Mühghaü kü shanga kia.

¹⁰Mühghaü to ngei haoeibü ngüh sanglabü, BUNYUBOU to ngei haoeibü ngüh sanglabü.

¹¹Mühghaü to ngei ngeibü mailem phoa, ngo ühütlabü. Mütei kü to ai kümla thükla?

¹²Kaibü thekubü kü to kia, O Mühghaü; ngei ka la nyensangbü lembü kulabü.

¹³Aieilausi nyi ngeibü langkei haibü ka khümena; langkeibü ngesaka Mühghaü thedanga pailabü lele. Tuongetlabü ka nyi ngeibü you akhümen lo?