Read Chang Naga NYENSANG CHIA 58 Bible Online

NYENSANG CHIA 58 - Chang Naga bible

NYENSANG CHIA 58

¹Kanei maimaitham ngüh üangko saopobü shanga joyolaoma? O müteibü shousishuong, kanei the achühko mat jemlaoma?

²Haü, maangpona kanei amaibü kümda; kaneibü ik shoulobü kümsilei kanei kaodaka takan kuda.

³Amaibouei kaibü setshang ka ayingbü to hauda; haoenei amlang ngüh lauko buksilengko ka ayingbü to hauda.

⁴Haoen kom kakbü pinyu tegü ki; Haoen obangan kibü piyang phatkei.

⁵haoei maanglimaangsang khükko uokko lauenbü pinyu mühtibü ngüh aditda.

⁶O Mühghaü, haoeneibü sembunga haoeneibü hau leilutikuashi; O BUNYUBOU, molosaonyu shoushou shuong hau yaangbü apbushi.

⁷Athakko kouko kibü dei tegü haoen tühnyinko koutiashi; haoenei laujin kipla shanga lau bühan sungjinei khühbü kho wapan apan kibü tegü yeitishi.

⁸Nyaületbü khapthung tegü, jih asühjinei bukbü chanyu ühüpbü na tegü haoen kitishi.

⁹Kaibü chak lem mophamtoua, jakham kho sangtüngbü yingsikei linbü yingsikei haoen kho yeinakei soujung satlabü

¹⁰Phoklambü kho hapjinei saopobü müt khoje olinlabü; amaiboueibü siia haoei haoeibü you saklabü.

¹¹Hibü mütei laulabü, “Maimaitham saopobü müt shanga jongsak kia; maimaitham kaodaka matjembou Mühghaü ki.”