Read Chang Naga NYENSANG CHIA 63 Bible Online

NYENSANG CHIA 63 - Chang Naga bible

NYENSANG CHIA 63

¹O Mühghaü, no ngeibü Mühghaü ki; ngei no ngeibü soushouei waangko lamlabü. Ulangbü hoba dei akibü hübümangbü kaoa, ngeibü langkeiei no waangda.

²Hibü kaibü hau hoba soneikangbü hapla shanga ngei kaibü lemshanga ka to chüha.

³Aieilausi kaibü sanoudambü langkei tokei maibou; ngeibü sembungkhopei no sanglabü.

⁴Hibü ngo langkei kijinei no haükukho; Kaibü nyena ngei ngeibü ik tuokkho.

⁵Lomaang hai hoba haabüei senyühshembü tegü ngeibü soushou senyühshemlabü; hoba ngeibü sembungei olinbü sembungkhopei no sanglabü.

⁶Ngeibü shena ngei no damenda, hoba nangnak langyang sünga ka shanga damanchühda.

⁷Aieilausi no ngeibü thuibou kikei, hoba kaibü kaakphang yemekoubüa ngo olinlabü.

⁸Ngeibü langkei ka phai nyangko semda; kaibü mae ikei ngo kapetda.

⁹Lausikei ngeibü langkei mautila aoyouei lamda, kao maangto atlabü.

¹⁰Haoen ineibü hau la khümbo kuan aplabü. haoen selong shanga phejan kilabü.

¹¹Lausikei Chobaei Mühghaü to olinlabü. Aoyouei haoeibü nyena thelalanlaje nyensang chia laulabü; lausikei amlang ngüh laubü daneibü sembung khinkulabü.