Read Chang Naga NYENSANG CHIA 74 Bible Online

NYENSANG CHIA 74 - Chang Naga bible

NYENSANG CHIA 74

¹O Mühghaü, nyi aila ngo ponpen shanga tekan apbei? Aila kaibü lamshoushang kabü san khulimbo no khauangda?

²Kaobakjinei nyi angthetbü shuong laobou nyi kaibü phetphan phang shanga angthetkei, kho damenashi; tokei Zion shongh ainei no kikei kho damenashi.

³Thon akiko mautilabü lele kaibü you yaüenashi; lemshanga dangbou shuongei ajanjan pendou leilutikua.

⁴Kaibü dangbou shuongei kaibü Lembü chem thüka thük hapbü ngeka; haoenei thük hapbü tetsida haoeneibü nisan lena.

⁵Haoen bulakbüei bu to wapla wou tonbü tegü kikei.

⁶hoba tou khünei kibü heangsho noksa pendou yoa liko, haoenei wou hanbü hoba busetei pheinyinda.

⁷Kaibü lemshang haoenei wanei lontida; haoenei kaibü nyen kishang lepde asaopoko yeitia.

⁸Haoenei haoeneibü maangpona laukei, künei haoen chemala khonkutikei, haoenei kaonyeka kibü Mühghaüeibü lemshang pendou jikan apbua.

⁹Künei küneibü shenla ngelabü ühüpda; touje thuseibü ao aki; ayingsi lalokche kila dogo ngela kün yoa ao aki.

¹⁰O Mühghaü, dangbouei ka la lalokche nyikula? dangbou labouei thon akiko kaibü nyen aweasünglep lo?

¹¹Aila nyi kaibü ik, khei kaibü mae ik sungngaida? Kaibü neimanga thopan kibü kho sungenashi hoba mautiashi.

¹²Khei yingsikei shangied ka thama Mühghaü ngeibü Choba ki. Nyi kaonyu to khümenbü sungbada.

¹³Nyi kaibü hauei yungnyu janyinkei, nyi deia kibü dragon shuong khu jangnyinkukei.

¹⁴Nyi molo jisangeibü khu netla yeitikei, sangliphanga kibü la haoeneibü shausiyung shanga nyi hao kukei.

¹⁵Deikük hoba shumang shanga nyi lam ipbukei; koudanglebü shumang nyi ulangtham aptikei.

¹⁶Chalou khokei kaibü, nangnak khokei kaibü, nyi ngesakbü hoba chanyu kho lamlekei.

¹⁷Kaodak leilang pendou nyi longtikei; nyi poang si sulang kümbei.

¹⁸Ho damenashi, dangbouei ka la nyikuda, O BUNYUBOU, hoba ngoubüloubüei kaibü nyen to nyikua.

¹⁹Kaibü guduru langkei yamkabü meisiau la teku; kaibü shale khonsakbü shuong ponpen tema.

²⁰Theyolanyobü damenashi, aieilausi nakthühbü kaoen sekbülakbü shuongei shenakei.

²¹Naklepbü shuong himou bauko tesepeiti; ngoubüei chaseko ka la lai nyikuda damenashi.

²²Meimeiashi, O Mühghaü, ka shanga lauashi; ngoubüei chaseko ka la lai nyikuda damenashi.

²³Kaibü dangbou shuongeibü ngühlang; no khulimbo meimeibü shuong lemenbü laubou athakko longda, kho tema.