Read Chang Naga NYENSANG CHIA 75 Bible Online

NYENSANG CHIA 75 - Chang Naga bible

NYENSANG CHIA 75

¹O Mühghaü, künei ka la nyensang kuda; künei nyensang kuda, aieilausi kaibü nyen nyangko kia; mütshuongei kaibü maangpanglabü kümsilei shuong daman chühda.

²Mühghaüei lauda, “Ladang ngei jih tükde haüthüklaje ngei tangsheitham matjemlabü.

³Kaodak hoba khünei kibü sangnyu nyaakeisikei, ngei ho thaonyu jungthem kaangko hatlepda.

⁴Lilisesebü to, ‘Lilisesebü teküm,’ hoba amaibü to, ‘Laang phonan tüangti.

⁵Kaneibü laang kuito phonan angtian, ayingsi ngüm ngekjung satan ngüh tüang,’ dogo lauda.”

⁶Aieilausi chanyu angbou kakei, chanep kakei, ayingsi tokei yam aekakei thuiyobü alouda.

⁷Lausikei Mühghaü kho matjembou; haoei che yantida, che tonenda.

⁸Aieilausi BUNYUBOUeibü ika thung che kia, hoba ih kho saklangtham kia; kho aeibou maisho kheiyoda, hoba haoei kho yeian sungda, hoba kaodaka amaibü pendouei kho meiko khinko jenda.

⁹Lausikei ngei ponpen thon akiko ngekletkulabü; Jakobeibü Mühghaü la nyensang chia laukulabü.

¹⁰Toukei amaiboueibü laang pendou kho ngei wapan apbulabü; lausikei saopobü shuongeibü laang shuongje tonenlabü.