Read Chang Naga NYENSANG CHIA 80 Bible Online

NYENSANG CHIA 80 - Chang Naga bible

NYENSANG CHIA 80

¹O Israel sanlombou, no aoei Josefeibü san tegü leiyeida, nou haangashi. No ao kaakyembü kherabim thüka setda, soneikangashi.

²Efraim, Benjamin si Manasse thedanga kaibü hau tonenashi hoba kün püetla kaiya.

³O Mühghaü, toukei kün sungletashi; hoba kaibü thenyek lenbü hoba kün khümenlabü.

⁴O Thükenbou BUNYUBOU Mühghaü, ka mütliei welaubü khulimbo no lalokche khauangla?

⁵Nyi nyeksiei haoeneibü shi shentia, hoba haoen la nyeksi apsileko yungtia.

⁶Küneibü lepbü sangmang shuong shanga nyi kün nyikulabü che yeitida, hoba haoen yoa küneibü dangbou shuongei nyikuda.

⁷O Thükenbü Mühghaü, toukei kün sungngaitiashi; hoba kaibü thenyek lenashi hoba kün khümenlabü.

⁸Ijep ka nyi semlüh che jungan longkei, nyi phangshuong shian apbei hoba khonei kekei.

⁹Kho shanga nyi kao thunyinkei, hoba kho li atkei hoba kaonyu shenkei.

¹⁰Khoeibü yemekoubüei shongh shuong küplepbei, hoba phekshuong kho Mühghaüeibü cedar bulong tegü kikei.

¹¹Yungnyu sühko kho buphek kho hakjung koukei, hoba shumang sühko kho bunyem kho yembei.

¹²Kholonga danbü phaibü pendouei kho pakan sunglabü lele, nyi aila kho ba leilutikei?

¹³Yamkabü meishou meipemei kho yühnyinda, hoba khonga yamkabü meisiau shuongei kho shauda.

¹⁴O Thükenbü Mühghaü, künei ka to sudajada, tokei sepeishi; khuthük ka chühan yantishi hoba chühashi, hoba kho semlüh thounouashi.

¹⁵Kaibü mae ikei kebü bulong, hoba ka shanga nyi hau kitibü bubhek thounouashi.

¹⁶Kho wanei juokda, kho wapan apa, kaibü khauangbü thenyekei chühbüei haoen mauda.

¹⁷Nyi kaibü mae ikei müt hatlepashi, khei müteibü shou ao nyi jembü shanga hau kitikei.

¹⁸Hibü kün ka jungka sepeinyu angailabü, nyi kün tonenashi, hoba künei ka to welaulabü.

¹⁹O Thükenbü BUNYUBOU Mühghaü, kün toukei tonenashi; kaibü thenyek ngesakashi hoba kün khümenashi.