Read Chang Naga NYENSANG CHIA 82 Bible Online

NYENSANG CHIA 82 - Chang Naga bible

NYENSANG CHIA 82

¹Thükenbü shuong kambüa haoei mühghaü shuong yoa matjemda.

²“Kanei lalokche ngühmaang alanko matjemla; hoba amaibü shuong matjemla?

³Shalejongle si shoujit shuong tükde matjemashi; khonku khonsakbü hoba laialebü to ngühmaanglanko matjemashi.

⁴Shalebü si akialebü shuong püetashi; amaibou ka haoen khümenashi.

⁵“Haoenei ngekei angeda, ditkei aditenda; nakthüh phanga haoen hau longei dogo kuida, kaodak chemshang pendou nyaakeida.

⁶Ngei laukei, ‘Kan mühghaü shuong ki; hoba kan pendou Thükkenboueibü shousi shuong.’

⁷Khei yingsikei mütshuong tegü kan hailabü, hoba songdakbü che tegü atetlabü.”

⁸O Mühghaü, meimeiashi, kaodak matjemashi; aieilausi nyi phang pendou phet phanlabü.