Read Chang Naga NYENSANG CHIA 84 Bible Online

NYENSANG CHIA 84 - Chang Naga bible

NYENSANG CHIA 84

¹O Thükenbü, BUNYUBOU, kaibü kishang lai hemaibü!

²Kü soushouei waangda, haü, khei BUNYUBOUeibü Lembü chem shanga mühei nyengda; ngeibü maangpon hoba ngeibü pheei langkeibü Mühghaü to chia lauda.

³Haü aunyingshishouei haoeibü chem che hapa; hoba lolenshangei haoeibü shoushou phola hap kia, khei kaibü lemshanga, O Thükenbou BUNYUBOU, ngeibü Choba hoba ngeibü Mühghaü.

⁴Kaibü chema kibü haübou, haoenei no sangdang lelabü.

⁵Aoyoueibü hau ka ka ki, aoyoueibü maangpona Zion to haubü lam ki, hao haübou.

⁶Lausikei pholi danko haoenei kho shumang bakshang yeitida; haü, hanjulüh langei kho haülabüei shentida.

⁷Haoen aei aei hau kibou yeida; Haoen weko Ziona Mühghaü jungto louda.

⁸O Thükkenbü BUNYUBOU Mühghaü, ngeibü welau ditshi; O Jakob Mühghaü, ditashi.

⁹O Mühghaü, küneibü aih to chühashi; nyi pienbü thenyek to chühashi.

¹⁰Aieilausi kaibü chema chalou che kho lubünei hajar to kei maibou; amaibüeibü neichema kikhantoje, kü Mühghaü chema koukhün lombü che ong yeimang sühnyu.

¹¹Aishanga BUNYUBOU Mühghaü chanyu hoba aih tegü ki; BUNYUBOUei onou hoba soneikangbü kulabü. Tangsheitham paibü shuong ka haoei maibü aikei asenetlabü.

¹²O Thükkenbü BUNYUBOU, aoei ka to mailemda hao haübou!