Read Chang Naga NYENSANG CHIA 85 Bible Online

NYENSANG CHIA 85 - Chang Naga bible

NYENSANG CHIA 85

¹BUNYUBOU, nyi kaibü kaodak to maiko loua, Jakob langsenbü ka nyi ngaitia.

²Kaibü mütlieibü shabü apbushi, haoen pendoueibü shabü nyi küplepbua.

³Kaibü maangshat pendou nyi sungngaia; kaibü khauang yaangbü longbü ka no lolo sepeia.

⁴O kün khümenbü Mühghaü, kün jungto toukei sepeishi, hoba kün khulimbo no khauangbü nangashi.

⁵Kün to no thonakiko khauangbü kilep lo? meten pendou to no khauanglep lo?

⁶Kaibü mütliei ka to olinyolabü lele, nyi toukei kün akhangetilep lo?

⁷O BUNYUBOU, kün to üeisanou lenbü, hoba kaibü khümenbü kün la sakbü.

⁸Mühghaü BUNYUBOUei ai lenlaje ngei ditlabü, aieilausi haoeibü mütli hoba haoeibü saopobü shuong to haoei haksobü ngüh laulabü, lausikei haoen tokei haangalongbü lam to tohauti.

⁹Maimaitham aoyouei hao to hatda haoen nyangko haoeibü khümenbü kia, khei küneibü kaodaka soneikangbü kilabü lele.

¹⁰Onou si ngühmai haüyoa; saopobü si sangmai sembung shepyoa.

¹¹Kao ka ngühmai bakenda; hoba khuthük ka saopobüei chühanyantia.

¹²Haü, BUNYUBOUei ai maibü kho kulabü; hoba küneibü kaodakei apsileko kho longtilabü.

¹³Hao thedanga saopobü haulabü, hoba haoei paila shanga lam kümbulabü.