Read Chang Naga NYENSANG CHIA 92 Bible Online

NYENSANG CHIA 92 - Chang Naga bible

NYENSANG CHIA 92

¹BUNYUBOU la nyensangbü kulabü hoba O thükkabou, kaibü nyen shanga sangbü chia laula aeibou maikei.

²Ngeyang kaibü üeisanou, hoba nangnak weko kaibü maanglemenbü lenla shanga.

³Kaangbü an thonbü kongkin kho hoba ngüh kouan longbü kongkin cheei.

⁴Aieilausi BUNYUBOU, nyi kaibü kümsilei danko ngo olintia; kaibü ikküm ikleia ngei thük hapbo olinlabü.

⁵O BUNYUBOU, kaibü kümsilei shuong lai yaangkei! kaibü dambükei aeibou haükei.

⁶Ngoubü loubü mütei kho angekei; ayingsi duduyayabüei ho aditenda.

⁷Lanei amaibü sang tegü longlaje, hoba ladang shabü kümbü pendou naangmailaje, kho haoen ponpen thon akiko mautilabü jih.

⁸Lausikei, O BUNYUBOU, no ponpen thon akiko tonenakei.

⁹Lausikei, O BUNYUBOU, kaibü dangbou shuong to chühashi, aieilausi chühashi kaibü dangbou shuong maulabü, shabü kümbü pendou linlabü.

¹⁰Lausikei ngoueibü laang tegü nyi ngeibü laang thük aeto angtia, ngo onang haanbüei naangkuko pienda.

¹¹Ngeibü dangbou shuong tuongbü ngeibü nyekeikei hapa; ngo khulimbo shabü kümbü shuong thu ngeibü nouei dida.

¹²Loulong tegü saopobü müt naangmailabü; Lebanona cedar tegü hao yemlabü.

¹³BUNYUBOUeibü chema haoen keakei; küneibü Mühghaü kishanga haoen haala yaanglabü;

¹⁴sinlamtokei haoenei toukei lang hekkulabü; haoen sangtüngtham hoba nyemnyemtham kilabü.

¹⁵BUNYUBOU, kho tangsheitham kia dogo lenlabü laüa; hao ngeibü laang ki hoba hao to asaopobü aki.