Read Chang Naga NYENSANG CHIA 95 Bible Online

NYENSANG CHIA 95 - Chang Naga bible

NYENSANG CHIA 95

¹O kaiya, BUNYUBOU to senei chia laukho kaiya! Senei khümenbü laang to olinbü ngühlang hautikho kaiya!

²Nyensang kuko sen hao jungto haukho kaiya; nyensang chiaei senei hao jungto olinbü ngühlang hautikho kaiya.

³Aieilausi BUNYUBOU kho Mühghaü yaangbü che ki, hoba mühghaü shuong pendou thüka Choba yaangbü che ki.

⁴Haoeibü ika kaodak haübükei kia; shongh suokbü shuongkei haoeibü.

⁵Yungnyu haoeibü, aieilausi haoei kho kümbei; aieilausi haoeibü ikei kaolin kho kümbei.

⁶O kaiya, senei liko khüpetkho; sen kümbou BUNYUBOU thedanga senei khüpetkho.

⁷Aieilausi hao seneibü Mühghaü, hoba sen haoei sambü mütshuong, hoba haoeibü sanshuong. Tat kanei haoeibü ngüh dida ma!

⁸“Meribaa tegütham, yama Massa chaloua tegü, kan maangpon tekaang;

⁹laobou chaloua kaneibü pisibouei ngo takteikei hoba ngeibü kümsilei hapbei.

¹⁰Ho meten yoa ngo po saonyi sühko khauangkei hoba laukei, ‘Ho haoeneibü maangpon ayinglam to haubü phang che kia! hoba haoenei ngeibü lam aweasüngda.’

¹¹Khoei, ‘Kan ngeibü haksoshang to alotlabü’, dogo ngei khauangko theletlanletkei.”