Read Chang Naga NYENSANG CHIA 96 Bible Online

NYENSANG CHIA 96 - Chang Naga bible

NYENSANG CHIA 96

¹O BUNYUBOU la chia haanbü atkuashi! Kaodak pendouei BUNYUBOU to chia lauashi!

²BUNYUBOU la chia atkushi, hao nyen haükushi; chalou angboua haoeibü khümenbü shanga lenashi.

³Phangshuong yoa hao soneikangbü, hoba mütshuong pendou yoa haoeibü maangpanglabü kümsilei shuong phinthonashi.

⁴Aieilausi BUNYUBOU kho yaangbü ki hoba aeibou sangla muakei; mühghaü shuong pendou thüka hao to souhatjan.

⁵Aieilausi mütshuongeibü mühghaü shuong pendou heangsho ong, lausikei BUNYUBOUei mühshuong kho kümbei.

⁶Nyenhang hoba yaangenbü hao thedanga kia; lemshang kho hau kiko hoba hemaian kia.

⁷Kan mütli phangshuong, BUNYUBOU la kuashi, BUNYUBOU la soneikangbü hoba hau kuashi.

⁸BUNYUBOU la soneikangbü haoeibü nyenei mubü kuashi; lembü che jungan haoeibü lemshang to kaiya.

⁹O BUNYUBOU kho saopobü hele lean lemashi; kaodak pendou hao thedanga lühashi!

¹⁰Phangshuong yoa lauashi, “BUNYUBOUei songdakda”, kaodak kho atopeienlabü lele kümakei; haoeibü ngühmaiei phangshuong matjemlabü.

¹¹Mühshuong olinashi hoba kaodak kho olinashi! Yungnyu hoba khünei kibü pendou ngühashi!

¹²Khongthua hoba khünei kibü pendou olinyoashi; kheijinei yama bulong pendouei olinbüei,

¹³BUNYUBOU thedanga laulabü, aishanga hao louada; hao kaodak matjemla louada. Haoeibü saopobüei kaodak hoba haoeibü ngühmaiei phangshuong matjemlabü.