Read Chang Naga TETENTANBÜ 19 Bible Online

TETENTANBÜ 19 - Chang Naga bible

TETENTANBÜ 19

¹Ngoualoua yepeijaweko kibü toje shalebü ngühmaanglanbü maibou.

²Hapbüngebü akiko maangdakbü kho amai; somsom lomlombüei no thushed to leian atlabü.

³Müt at haoen haang alongbüei haoen lolo leiluda, hoba BUNYUBOU nyen shedtida.

⁴Nyaksinamei thangbou juong lamenda; lausikei shalebüje jenabouei apyoda.

⁵Nyi matjemshanga amlang ngüh laualonga no shieikoelabü, khoei satenshang akilabü.

⁶Müt juongei hao to yaangbouei maang shiktimang sühda, hoba aoyouei haoen la maangshikko kuda khübü to thangbou lammang sühda.

⁷Shalebou kho jaeinaeikei mangsenda; ai laula, haoei thangbou akisap. Haoei latetche haujemasikei haoei athükenda.

⁸No lolo maangdakko kümaleiashi hoba nyi pendou thüklabü; kho phaia nyi ai ditletkei damen- ashi hoba no naang mailabü.

⁹Lepbülangbü müt aokei kayang ka asatenlabü; haoei kayang haplabü haang.

¹⁰Ngoubüei ongayasebü langkei kila athük; hoba sambüyaübü shuongei yaangenbü shuong thüka songdakla athük.

¹¹No tedtangbü müt yingalonga nyi kaibü maang toktokbü thepetlabü. Müt atei ka to amaibü kümjinei nyi hamanga dogo apbualonga nyi kümsilei maibü küma.

¹²Choba khauangbü kho molosaonyu ngühbü tegü; lausikei hao maangshikbü kho nyem thüka nindei lotbü phatkei.

¹³Haang alongbü shouei bou la leilubü sungbada, oyophetyo longtibü yak che kho tet tetde sangbü dei phatkei.

¹⁴Müt cheei haoeibü nyusibou ka nyaksinam chemsibung phet phanla thükkei; lausikei maangli maangsang yakje BUNYUBOUei ong kula thükkei.

¹⁵No haulomang sühalonga hauloashi, yepmang maiko ye- pashi; lausikei no mühei hailabü.

¹⁶Mühghaüeibü ngühkhüm shuong jungeiashi hoba no hangkhu onlabü; hoba nyi khübü awealaulonga no hailabü.

¹⁷Nyi shalebü la kualonga kho BUNYUBOU la lotkubü jam, hoba BUNYUBOUei ka la shemngailabü.

¹⁸Kaibü shousi shuong haoen maanglem kibü jiha tangtikuashi, nyi khei akümlonga nyi haoen lolo leilutida.

¹⁹Maangsak yembü mütei khonsak longtibü kho haoei künlabü. Nyi hao che khonsak ka satentia longa tokei nyiboukei khei kümjan.

²⁰Nyi songlen to ditalonga hoba ditletla maang dakalonga nyetcheje no songnge donge la yeilabü.

²¹Mütei kümthen den dena kümla thükkei, lausikei BUNYUBOUei maangangbü ong loushedlabü.

²²Aeilam aeiphopbü kho himoulabü ki; yepeijawebü toje shalebü maibou.

²³BUNYUBOU ngüha leashi hoba no langkei salang lounyu kilabü, maang nyembo senyüh shemlabü hoba amaibü ka püetan kilabü.

²⁴Müt atje jembü sembung to nyak mokan attila ongkei yongko haulobü kia.

²⁵Yonglam lilibü shieikeolabü haang, khoei mütshuong aoyouei maibü ditletko ki haoenei maibü ditenla thüklabü; no sangandoan kialonga no tangtijinei nyi ditletlabü.

²⁶Himou akakbü si üeisanou akibü mütei bou amaiko jungeida ayingsi nyu chem ka shian sattida.

²⁷Kü shou, ladang nyi ditletbü nangda, nyi shaangla ai ditletkei khokei tongde maalabü.

²⁸Müt at leilutila aukabü lambü khonei ngühmai aki. Jim akibü mütshuongei shabü jepan chühla maikuda.

²⁹Mü awealaubü ngoubüloubüei ngümbü hapshaula muakei.