Read Chang Naga TETENTANBÜ 2 Bible Online

TETENTANBÜ 2 - Chang Naga bible

TETENTANBÜ 2

¹Kü shou, nyi ngeibü ngüh hoba ngeibü ngühkhüm shuong sungletan ka maangpona thanan phoalonga,

²songbüdobü ngüh ditshi, hoba ho ditenla haujemshi.

³Haü, nyi ditenbü shanga suajaalonga, hoba nyi ditenshuokenbü shanga ngekalonga,

⁴nyi ho chandinam tegü ayingsi huan kibü nyaksinam tegü kaangkosekko lamjan.

⁵Khei yingsi ong nyi BUNYUBOU to souhatbü hoba Mühghaü shanga ditenbüa thüksimin haplabü.

⁶BUNYUBOUei songsihon kuda, hao ka hapbü ngebü ditenbü louda.

⁷Haoei saopobü si maang tangbü shuong püet angetda hoba thükbü kuda.

⁸Haoei mü to maibü mütshuong püetda hoba hao la khümbo kubü shuong kapda.

⁹Kheijinei nyi saopobü si ngühmai hoba tangbü janbü lamnyu maibü pendou ditenlabü.

¹⁰Aishanga songnge donge ka maangpon to atlabü, hoba kaibü songsido kaibü soushou shanga senyühshembo kilabü.

¹¹Kaibü diten shuokenbü hoba ditenbüei no lomlabü,

¹²hoba amaibü lamnyu ka mütshuongei kakhu limbo laubü ka no püetlabü;

¹³aoyouei shabü nakthüh lama paila saopobü apyoda;

¹⁴aoei amaibü kümbüa maangamaida hoba khüpbülangbüa maangdakda,

¹⁵aoyoueibü lamnyu nongnong saisai ki hoba maanglemenbü aki, khübü mütshuong ka püetlabü.

¹⁶Hoei no, asangalansao aoei ngüh teibüei suletla haujemda.

¹⁷Yaksa aoei Mühghaü nyena jembü lao to thebülanbü maan- apan mailem akiko ki kho ka püetlabü,

¹⁸aishanga saoeibü chem haishang to leida, hoba thito haubü kho haibü yemkao.

¹⁹Sao jungto haubü aokei sepeinyu alongeida. Hao ladangkei langkei lam aeto sepeinyu alongeida.

²⁰Hibü nyi müt maibü tetsida lean saopobü langkei che kijan.

²¹Saopobü si maang tangbü mütshuong kaonyu khonei kilabü.

²²Lausikei Mühghaüei müt amaibü kaonyek ka wapan aplabü hoba lulimbü shuong busidei tegü li ka pheian aplabü.