Read Chang Naga TETENTANBÜ 4 Bible Online

TETENTANBÜ 4 - Chang Naga bible

TETENTANBÜ 4

¹Kü shousi shuong, kabouei lenbü to ditashi hoba nyi ditenbü haplabü.

²Ngei ka la songlen maibü kuda, hibü ngeibü songlen tüpyo.

³Kü nyu si kü bou yoa maangshikbü nashou hanbü che kho ngo ong kikei.

⁴Haoei kü to lenko laukei, “Ngei ai lenda kho ladangkei tema; ngei lenbü tegü kümashi hoba lang kishi.

⁵Songsihon hoba ditenshuokenbü hapashi! maan tüp hoba kü ngüh ka tebang.

⁶Songsihon tenanglet hoba saoei no püetlabü; sao to sanouashi, hoba saoei no khümet angetlabü.

⁷Nyi kümenleienla thükbü yoa songsihon hapbü kho aeiko kongnyubou ki, nyi ai ong hapenlaje hapsikei ditenshuokenashi.

⁸Songsihon sanouashi, saoei no tonenlabü. Sao bamlepashi hoba saoei ka la nyenhang sungbakulabü.

⁹Saoei ka la onoubü chipen yak kaibü khuto hangan jinkulabü, hoba soneikangbü Choba khun kulabü.”

¹⁰Kü shou, kü ngüha leshi. Ngei ai lenda kho kaangkosekko sungletashi, hoba no salangko kilabü.

¹¹Ngei no songadoa hoba tangbü lama kila lenena.

¹²No sangkodoko paialonga kaibü lama aikei lothetbü ühüplabü.

¹³Nyi ai ditletkei khonei kaangkhühtham hatlepashi; ho alitiko kapetashi, aieilausi dobüshibü kho kaibü langkei ki.

¹⁴amaiboueibü lam to tohau, hoba amaibü nei tenou.

¹⁵Ho teküm! Amaibü ka kukashi! Ho tokngaiashi hoba kaibü lama paiashi.

¹⁶Müt amaibü shuongei shabü aküm shongko haoen angakda; haoenei mü at aphai- yetti shongko haoen nyeket alouda.

¹⁷Maangsha maangkok si ikoksimbü kho haoeneibü shausi- yung phatkei.

¹⁸Saopobü shuong lamnyu kho ngeyang chanyu phambü phatkei, laobou chajihbou aon shongko aei aei ngesakda.

¹⁹Amaibü shuong lamnyu kho daomau phatkei. Haoen tuongsikei haoen phaiyetshang ühüpda.

²⁰Kü shou, kü ngüh to maang kuashi; kü ngüha leashi.

²¹Haoen ka ka tekukti; haoen ka maang- pon haüboua phoshi.

²²Aoyouei khübü kho shuokenda haoen la langkei hoba haangmaibü kulabü.

²³Nyi damanchühbüa maangsangashi, aieilausi hoei kaibü langkei kümsemda.

²⁴Ladangkei atang ajanbü telau. Khüpbü langbü alualak ngüh longbü tejungei.

²⁵Kaibü nyekei thedang aeto tangshaitham chühtiashi, nyi nyek thebü tangshaitishi, hoba kaibü khu himoua tesaü.

²⁶Nyi kümbü kümthen kho tedtangko kümashi. Khei yingsi kaibü lam pendou tangshaitham kilabü.

²⁷Nanae mae tesepei, shabü ka kaibü you sungngaian the ae tangshaitham paiashi.