Read Chang Naga SONGLENDOLEN 3 Bible Online

SONGLENDOLEN 3 - Chang Naga bible

SONGLENDOLEN 3

¹Ajanjan pendou shanga jih che hoba müh phanga kümsilei pendou shanga jembü jihsiphai takletan kia.

²Buklabü jih che, hoba hailabü jih che, kelabü jih che hoba kean kibü pheian aplabü jih che.

³Haitilabü jih che hoba maitilabü jih che, leilulabü jih che hoba kümetlabü jih che.

⁴Haaplabü jih che, hoba nyilabü jih che, mang haaplabü jih che hoba tomlabü jih che.

⁵Laang tuongan koutilabü jih che hoba laang yoshailabü jih che, himyolabü jih che, hoba himyobü nanglabü jih che.

⁶Lamlabü jih che hoba maulabü jih che, pholabü jih che hoba tekan aplabü jih che.

⁷Jitnyinlabü jih che hoba shingailabü jih che, ngüh üangko kilabü jih che hoba joyolabü jih che.

⁸Sanoulabü jih che hoba mangsenlabü jih che, wapyobü jih che hoba sangmai jihsiphai che.

⁹Kümbouleibou che kho hao hübü ka ai ku?

¹⁰Mühghaüei müteibü shousi shuong la kümlabü kümsilei akongko kila shanga ai kukei kho ngei hapa.

¹¹Haoei ajanjan pendou jembü jihsiphaia he maian kümbei; tokei haoei müteibü maangpona thon akibü jinkukei, kho khei yingsikei mütei khangbü ka thon sühko Mühghaüei kümbü jihsiphai ühü- penda.

¹²Ngei ngekei khei haoen langkei ki shongko olinyolabü hoba maanga mailabü toje maibou ai aki.

¹³Tokei mütpem weko jembü kümsilei pendoua shaula yunglabü hoba jembü kümsilei maibü pendouei maanga mailabü kho Mühghaüei müt la kubü jongsak ki.

¹⁴Ngei ngekei, khei ai ong Mühghaüei kümlaje kho ponpen kilabü; khünei aikei ajin- yoenlabü hoba apla athük. Mütei hao to hatlabü lele Mühghaüei ho tegü kümsembei.

¹⁵Tou kibü kho kian apa, hoba laobou dana kho Mühghaüei nyibou lamda.

¹⁶Hobaje tokei ngei müh phanga matjemshang kho hapbei, khünei amaibü kikei, hoba sao- pobü kishangakei shabü kikei.

¹⁷Ngei kü maangpona laukei, “Mühghaüei saopobü si amaibou mat jemlabü, aieilausi ajanjan pendou shanga hoba kümsilei weko shanga haoei jih che takletakei.”

¹⁸Müteibü shousi shuong shanga ngei kü maang- pona laukei, khei haoen kho meisiau shuong tegü ong dogo lenla shanga Mühghaüei haoen takteida.

¹⁹Aieilausi müteibü shousi shuong hoba meisiau shuong thu jeteitei, che lai haida kho tegü chekei haida. Haoen pendou hak hinbü che ong, hoba meisiau to aei müt to aikei aki; aieilausi pendou amlang ki.

²⁰Pendou kaoen che to ong hauda, pendou thamngu ka hoba pendou nyibou thamngu yeida.

²¹Müteibü soushou thükaeto angda sai ayingsi meisiaueibü soushou kaomaang to atda dogo aoei ngekei?

²²Hibü mütei jembü kümaleia olinlabü to liman maibou ai aki dogo ngei hapbei; aieilausi hao phainei ai haüthükla kho to chühla aoei hao la lenenkei?