Read Chang Naga SOLOMON CHIA 7 Bible Online

SOLOMON CHIA 7 - Chang Naga bible

SOLOMON CHIA 7

¹O Chobaeibü nouyangnyu, youshang shangan kaibü you lai he maikei! Kaibü youshi auteilo namseklaang tegü, ik peiseibü ikküm iklei tegü kia.

²Kaibü shung kheiyobü ihei shaleko akibü thungshou phatkei. Kaibü shimung leilang khüpbong chipenei kailepan kibü youshou shang che phatko ki.

³Kaibü sen penyi kho penyi phukan shatbü meishi saoen phatko ki.

⁴Kaibü ngüm thunyu hauh lapheishon phatkei. Kaibü nyek Heshbona Bath-Rabbim nyangko thüngdou tegübü kho ki. Kaibü kung Damaska ae yeian kibü Lebanon lapheishon che phatkei.

⁵Ka to kaibü khu kho Karmel shongh phatkei; hoba kaibü khua kaibü khulou nakthüngan sakbü son phatkei. Kho khulou shikbü khünei Choba kho langsenakei.

⁶No lai hesisao maikei, lai maanga mailabü, O sanounyu, maangpon ngesakla shanga!

⁷Kaibü süngsilop, hekyang long phatko kia; hoba kaibü sen semlüh shen phatko kia.

⁸Ngei laukei, ngo hekyang long khüto nguilabü; ngei khoeibü bheka ikphen lamlabü. Kaibü sen kho semlüh shen tegü, hoba kaibü haklüm hibü kho shongbe phatko yingshima;

⁹hoba kaibü sembung kho ih maiboutham, kü sembung si hau lematikei. Jaakko teian kü sembung to atbü phatkei.

¹⁰Ngo, ngo sanouboueibü ki, hoba haoeibü maangdak kü aenei kia.

¹¹Kaiya, ngo sanoubou, seti khongthu cheto haukho; hoba seti nangnak kho sanga otkho.

¹²Seti enyu pian semlüh sek khüto tongde haukho; semlüh sem longkeilaoje hoba hao bungdalaoje, hoba chilang pon bungdalaoje setiei chühkho. Khünei ngei ngeibü sanou ka la kukho.

¹³Lüh kibü bu chipen shuongei sanglüm hautida, hoba küneibü koukhün junga buhek deihek phang pendou; hangbü si haanbü, ngei ka shanga phokuakei, O ngei sanoubou.