Read Chang Naga ISAIA 18 Bible Online

ISAIA 18 - Chang Naga bible

ISAIA 18

¹Ah, Ethiopia shumang shuong danjung hauan, kaakei homlepan kibü kaodak;

²Nail yungnyu aeto dei thüka papiras buei kümbü longchema lambubou shuong hautibü kaonyek! Kan sobüsepbü ngühlang künbü shuong, thongloubü hoba lenglengtham kibü phang jungto nyangbü si saabü ka hatlamoklabü mütshuong jungto hau kibü hoba thükenbü phang, aoyoueibü kaonyek shumang shuongei jan- yinan ki, haoen jungto hauashi.

³Kan kaodaka müt pendou hoba kaoa kibü pendou ladang shongha tetsida longlaje, chühashi! Ladang teklaang metlaje, ditashi!

⁴Aishanga BUNYUBOUei kü to hai laukei: “Chanyu kaangbüsekbüa sangsemetnyu kibü tegü, youlat jih lemabüa lang thonbü sangmei tegü, ngei ngeibü kishang ka sangsembo chühko kilabü.

⁵Aishanga youlat jih asühjinei ladang chipen bungthonlaje hoba chipen khoei semlüh semlaje haoei phekshuong kho inshouei wapan aplabü.

⁶Haoen haitibou auyaanglange shuong, hoba kaonyeka yamkabü ausiyuk la phokulabü, hoba haibü aushuongei khübü thüka sulang anglabü, hoba kaokabü yangsikok pendou khübü thüka poang anglabü.”

⁷Kho chaloua Thükenbou BUNYUBOU jungto thongloubü hoba yemokshouko kibü mütshuong juong ka, haukibü hoba thükbüminbü phang, aoyoueibü kaophei shumang shuongei janyinan ki, khübüei Thükenbou BUNYUBOU nyen kishang to jongsak künbakulabü.