Read Chang Naga ISAIA 20 Bible Online

ISAIA 20 - Chang Naga bible

ISAIA 20

¹Assiria Choba Sargonei lajamleibü yaangbou hautiko, Ashdod to hao loubü poa haoei Ashdod khulimbo wapyokei hoba kho lekei.

²Kho chaloua Amozeibü shou Isaia danko BUNYUBOUei joyoko laukei, “Hauashi hoba kaibü shenjang ka kaibü senounei sengletashi hoba kaibü you ka ngok hangletashi,” hoba haoei kho tegü kümbei, hoba mütkong hoba youkong paikei.

³Hobaje BUNYUBOUei laukei, “Ijep hoba Ethiopia khulimbo tetsida hoba seikümseilei yeila shanga ngo khangenbou Isaia po sem mütkong hoba youkong paibü phatko,

⁴kho tegübü Assiria Chobaei Ijepbü langsenbü shuong hoba Ethiopiabü langsenbü shuong hoba Ethiopiabü shian apan kibü shuong nashou, chingbü mütkong hoba youkong, youdemkong Ijepbü himou bautilabü lele leian haulabü.

⁵Hobaje Ethiopiabü maanglem hoba Ijepbüeibü yonglambü haangjung haoen mokko manghlabü hoba himousele kilabü.

⁶Hobaje yungkoa kibü mütshuongei kho chaloua laulabü, ‘Chühashi, aoyou to senei maanglem phokei, hoba aoyou jungto senei Assiria Choba jungto khümenla haukei, haoen to ai haüthükkei! Hobaje senje lai ong satenla?’ ”