Read Chang Naga ISAIA 21 Bible Online

ISAIA 21 - Chang Naga bible

ISAIA 21

¹Yungnyu phetsen kaodak shanga onat. Mühghaüeibü yei Negeb danko kaang soujung loubü tegü ho phetsen kaodak ka thungjung louda.

²Kü la mangsang sekbü lena; huonbü youbü mütei huonkoyouko jungeida, soshausoyungbü mütei soshauso- yungko jungeida, Angashi, O Elam; komlepashi, O Media! Hao ngühbü pendou ngei thontikua.

³Hibü ngeibü shenjang noubüei shena; yaksa nahapjinei khonkubü tegü kü to khonkuei süha. Ngei ditla athüklabü lele ngo khonsakda, ngei hapla athüklabü lele ngo moktiakei.

⁴Ngo maang yongda, hatla moklabüei ngo moktida, ngei sanouko kibü ngesakbüei kü shanga hatlalühlabü yeia.

⁵Haoen khümsok jaan phoda. Haoenei haoeneibü nei iman phoda, haoenei shauda hoba yungda. “Chobaeibü shousishuong, meimeiashi hoba aiha haabü naangashi.”

⁶Aishanga BUNYUBOUei kü to hai lauda, “Hauashi, lapheibü che phoashi, hoba haoei lapbü hao la letiashi!

⁷Haoei tan che hapa longa, kolia setbü tan nyangko, gadua setbü tan uta setbü tan haoei aeibou maangsangko ditjan.

⁸Hobaje haoei molosaonyu tegü ngekkei, O BUNYUBOU ngo ngeyang laphei shondipa athakko loda, hoba nangnak weko ngei shemjanga kida.”

⁹Tou chühashi, kailonga müt setan louda, kolia müt nyibang setan louada; hoba haoei jongaiko laukei, “Babilon tuonga; hoba jakenbü heangsho pendou kaoa netla yeia.”

¹⁰O ngeibü youshou nakbü mütshuong, ngeibü amshanga kibü khonsakbü shuong! Thükenbou BUNYUBOU, Israel Mühghaü ka ngei ai ditkei, ngei ka la ngetia.

¹¹Edom shangabü thusei ngüh, Seir ka müt atei ngo ngako lauda; Lapheibou, nangnak lalokche sankei? Lapheibou, nangnak lalokche dankei?

¹²Lapheibouei jongaikei “Lang ngeda, lausikei nangnakkei louada. Nyi toukei ngemangsühda longa nyibou kangai.”

¹³Arabiabü shangabü thusei ngüh: O kan tan tan paibü Dedanbü; Arabia yamlamanga kan kilabü!

¹⁴Deilabü shuong jungto dei sungba, satbümaubü loubü shuongla nyak okko sungletashi, O Tema kaodaka kibü mütshuong!

¹⁵Aishanga in ka hoba bühan kibü lau ka lason- yaak ka haoen satena.

¹⁶Aishanga BUNYUBOUei kü to laukei, “Toukei po che kia, lotsang lu sambü po takletbü thüng kian phaiaje, Kedar soneikangbü pendou thon lelabü;

¹⁷Kedarbü shousishuong lau jungbü shuong wapyobü mütshuong joubü shuong kho shisho ong kilabü, aishanga BUNYUBOU Israel Mühghaüei joyoa.”