Read Chang Naga ISAIA 23 Bible Online

ISAIA 23 - Chang Naga bible

ISAIA 23

¹Tair shangabü thusei ngühlang. La pangko haapashi, O Tarshish longchem shuong; aishanga chem aki hoba chemaang to atla akilabü lele kho leiluakei. Kupra kaodak ka kho haoen jungto tang khitakei.

²Sangsembo kiashi, O yungkoa kibü kaonyek shuong, Sidonbü namyaknamseibü shuong, haoen yungnyu shoongko paikei, namyaknamseibü shuong dei khatkei;

³aoyou Nail shumang kabüei lang leda, aoyou phang ka namyak namseibüei haoei pailetbü hapbo kikei.

⁴No himouko kishi, O Sidon, O yungnyu lapheishon, aishanga yungnyuei laua: “Ngo nahap shatei khonaku, ayingsi abuklet; ngei bousushou shuong asamen, ayingsi yaksashou shuong apangtei.”

⁵Ladang ngühlang khoei Ijep sühlaje, haoen Tair ngühlangei aeibou khonsaklabü.

⁶Kan Tarshish aetou hauashi, ngekko haapashi, kan yungko kaonyeka kibü shuong.

⁷Kanei tonenbü sangnyu shuong shang- ieda khangan kibü shuong kho aoeibü youei hao saabüa kila sungjung satbü kho ho si?

⁸Tair, laobou Chobaeibü khun kubou laoboua namyaknamseibü shuong Chobaeibü shousi shuong kikei. Hobaje laobou kaodaka hangenlabü namyaknamseibü shuong kikei, kho khulimbo aoei hai huongkei?

⁹Yonglam lilibü pendou shatitatila hoba kaodaka nyensang nyenhang pendou nyikula shanga Thükenbou BUNYUBOUei kho huongenkei.

¹⁰Nail tegü kaneibü kaodak sopbo kouashi, O Tarshish nou- yangshou shuong, touje toketlabü ai aki.

¹¹Yungnyu thüka haoeibü ik shingakei, haoei Choba sangle shuong nyaakeikua; Foenicia shanga khünei lapheishon mautikula shanga BUNYUBOUei sakkubü kua.

¹²Hobaje haoei laukei, “No touje aolinlabü, O no khonkubü Sidon Nouyangshou! Meimeiashi, Kupra to hauashi, khüneikei no hakso akilabü.”

¹³Assiriabü aying, lausikei Khaldibü khüto chühashi; ao- youei Tair kho yamkabü meisiau kishang la yeilabü thu janletkei; haoenei shilabü lapheishon shuong kümbei, haoenei saoeibü Choba setshang shuong jikan apbua; haoenei sao kho lusakbü ontou che la yeitia.

¹⁴Wiyoashi, kan Tarshish longchem shuong; aieilausi kan lapheishon leilubüa apyoakei.

¹⁵Kheijinei Choba chemdang che lalokche kida, kho tegü po anjinlei sühko Tair maan aplabü, hoba po anjinlei thon sühan phaia, Tair shanga suonlambü chiaa tegü haüthüklabü:

¹⁶“Kaibü kongkin sungba, hoba khonga shoongaiashi, O maanapbü ho suonlamnyu; chikung maibü longtiashi, no damenlabü lele chia juong lauashi!”

¹⁷Po anjinlei thonan phaia BUNYUBOUei Tair pean chühlabü; hoba sao suonlam mulambü to sepeilabü, hoba kaonyua kaodakbü Choba sangnyu pendou to asangalanko kilabü.

¹⁸Saoei namseibü ka ai pailetlaje BUNYUBOU shanga saopobü kilabü; kho thanan ayingsi yoshaian apholabü, lausikei BUNYUBOU thedanga aoyou kida haoen souko shaulabü, hoba neisimei maibü neila haoen la kulabü.