Read Chang Naga ISAIA 39 Bible Online

ISAIA 39 - Chang Naga bible

ISAIA 39

¹Kho chaloua Baladaneibü shou Babilonbü Choba Merodakh-Baladanei Hezekia jungto dobü le hoba jongsak hautikei aieilausi hao shatko kibü maia dogo haoei ditkei.

²Hobaje Hezekiaei haoen la haoeibü namsek peisilei shuong chandinam, hon hoba ponlemhibü hoba namsek onang hoba haoeibü namsek hele chem hoba haoeibü thanshanga kibü khümbo lenkei. Hezekiaei haoen la haoeibü chema hoba haoeibü sangle pendoua aikei alenbü akitei.

³Kheijinei Isaia thuseibou Hezekia Choba jungto loukei hoba hao to laukei, “Khübü mütshuongei ai laukei? Hobaje haoen ka jungto laka loukei?” Hobaje Hezekiaei laukei, “Haoen kaodak saabü Babilon ka kü jungto loukei.”

⁴Kheijinei haoei laukei, “Haoenei kaibü chema ai hapbei?” Hobaje Hezekiaei jongaikei, “Ngeibü chema kibü pendou haoenei hapa; ngei haoen la alenbü ngeibü thanshanga ai aki.”

⁵Kheijinei Isaiaei Hezekia to laukei, “Thükenbü BUNYUBOUeibü ngüh ditashi:

⁶Chühashi, kaibü chema kibü pendou hoba kaibü pisibousi shuongei tat sühko thanshanga phokuan kibü Babilon to sunglanglabü chalou louada; aikei ajoutikulabü dogo BUNYUBOUei lauda.

⁷Hobaje ka ka longbü shousi shuong laobou ka ka pakkei haoen leian satlabü, hoba Babilonbü Choba chema haoen sungphatbü yeitilabü.”

⁸Kheijinei Hezekiaei Isaia to laukei, “Nyi laubü BUNYUBOUeibü ngüh maibü ki. Aishanga ngeibü chaloua sangmai hoba khümenbü kilabü dogo haoei dambei.”