Read Chang Naga ISAIA 4 Bible Online

ISAIA 4 - Chang Naga bible

ISAIA 4

¹Hobaje kho chaloua yaksa müt nyetei bousu che hatlepan laulabü, “Künei jembü shausiyung shaulabü, hoba jembü neisimei neilabü, nyenei ong no küneibü lao dogo ngatishi; kün laolamla ohoubü himou kho apbuma.”

²Kho chaloua BUNYUBOUeibü bhek hemai saomai hoba soneikangbü kilabü, hoba kaodak buhek deihek jouan kibü Israelbü shanga soumo kiko hemaian kilabü.

³Aoyou Ziona apyoan ki, aoyou Jerusalema jouletan ki, Jerusalema lang kibü dan yoa doan kibü shuong pendou to saopobü dogo ngalabü.

⁴Haoeibü seiei BUNYUBOUei phangshuong mat jemlabü hoba hinseikulabü hoba Jerusalem shedbü hoba khonei sii angtibü sakan apbulabü.

⁵Kheijinei BUNYUBOUei Zion shongh kishang khümbo thüka hoba kamshaian kibü thüka changea sangmei si wankhük hoba nangnak soneikangbü wanlong kümlabü; aishanga soneikangbü pendou thüka küplepbü che kilabü.

⁶Hobaje chaloua lemabü ka yemekoubü shanga thangleplabü che, hoba yeinak si langtok ka satenshang che hoba huletshang che kilabü.