Read Chang Naga ISAIA 50 Bible Online

ISAIA 50 - Chang Naga bible

ISAIA 50

¹BUNYUBOUei hai lauda, “Kanyu to banglabü le doyobü laobouei ngei sao to bangkei kho lanei ki? Ayingsi ngei sangh thean kibü ao la ngei kan yaakkei? Chühashi, kanei shed shonbü haangjung kan yaakkei, hoba kanei ngühkhüm lulimbü shanga kanyu apbei.

²“Khülonga ngo loujinei müt aokei akitei lo? Ngei ngajinei jongaila müt aokei akitei lo? Kan khümenla ngeibü ik yongko tuikei sai? Ayingsi kan khümenla kü la sei aki sai? Chühashi, ngei hakjinei yungnyu ulangtham aptida, ngei shumang shuong phetsen kaodak la yeitida; khübü chaloua dei akibü ka nyaülem hida, aieilausi dei aki, hoba deilabüei haida.

³Ngei mühshuong la nakthühbü neisimei letida, hoba haoen yuklepla senounei kümda.”

⁴Hüan mangan kibü to ngühei jih tükdea lai joyola kho ngei ngela shanga BUNYUBOU Mühghaüei kü la lenla shanga lishang kuakei. ngeyang weko haoei pitida, mütshuongei kümbü tegü haoei pitilemtida.

⁵BUNYUBOU Mühghaüei ngeibü nou ipbuakei, hoba ngo ngüha aleko akitei ayingsi ngo phai asepei.

⁶Ngei ngümbou to ngeibü shenjang thokei, hoba kaushang wi khebou to ngeibü om thokei; ngei ngeibü thenyek himou hoba eok thokbou ka ahu.

⁷Aishanga BUNYUBOU Mühghaüei kü to thuilabü, Hibü ngo maang apangko ki; hibü ngei kü thenyek laang akbü tegü phoda, hoba ngo himou abaulabü dogo ngei ngekei.

⁸Aoei ngo mat maitida, hao nyangko kia. Kü khu limbo aoei tokyola? Sen theshuok loakho! Ngeibü dangbou ao? Hao ngo nyangko loutishi!

⁹Chühashi, BUNYUBOU Mühghaüei kü to thuida. Ngo yuktilabü lele ao ki? Chühashi, haoen pendou neisimei tegü hangan aplabü; haoen kho phetyangei shauan aplabü.

¹⁰Kan yoa aoei BUNYUBOU to hatda, hoba hao khangenboueibü ngüh ditda? Ao nakthüha paida hoba ngesakbü aki, haoei BUNYUBOU nyena maanglemashi hoba haoeibü Mühghaü to nongashi.

¹¹Chühashi, kan pendou wan sapbü shuong hoba kan lolo hantinei shembe kaibü shuong, kan wanlonga hoba kanei sapbü hantina kan paiashi. Kü ik ka kanei ho haplabü: Kan maangshata leketlabü.