Read Chang Naga LEVI 15 Bible Online

LEVI 15 - Chang Naga bible

LEVI 15

¹BUNYUBOUei Mosa si Aron to laukei,

²Israel shousi shuong to lenashi, ladang bousu at jembü phe ka denje senjung longlaje kho koubü kho asaopobü ki.

³Hao ka koubü asaopobü kho ho, haoeibü mang ka sensikei ayingsi senko kibü ka thaksikei kho hao to asaopobü ki.

⁴Shen laoboua ong hao yeplaje asaopoko yeilabü.

⁵Hobaje aoyouei ong haoeibü yepshanga meitilaje haoei haoeibü neisimei sakjan hoba hao lolo deia mangyulabü, hoba nangnak sühko asaopoko kilabü.

⁶Hobaje senko kibü müt setshanga aoei khünei setlaje, haoeibü neisimei sakjan hoba hao lolo deia mangyulabü hoba nangnak sühko asaopoko kilabü.

⁷Hobaje senko kibü manga aoei meitilaje haoeibü neisimei sakjan, hoba hao lolo deia mang yujan, hoba nangnak sühko asaopoko kilabü.

⁸Hobaje senko kibü cheei saopoan kibü che to eokei thokalonga, kheijinei haoei haoeibü neisimei saklabü, hoba hao lolo mang yulabü hoba nangnak sühko asaopoko kilabü.

⁹Hobaje ao to senko ki, hao ainei ong setan pailaje asaopoko yeilabü.

¹⁰Hobaje aoyouei ong hao setbü phanga den che to ongkei meitilaje nangnak sühko asaopoko aplabü, hoba khübü peisilei to aoei jungda haoeibü neisimei sakjan hoba nangnak sühko asaopoko aplabü.

¹¹Hobaje aoyou to ong senko kibü mütei haoeibü ik deia maisho asakko meitilaje, haoeibü neisimei sakjan, hoba hao lolo deia mang yujan, hoba nangnak sühko asaopoko yeilabü.

¹²Hobaje thamchak laobou to senko kibü mütei meitilaje, kho phetnyinjan, hoba buei kümbü thungsiphau khümbo deiei sakjan.

¹³Hobaje ladang ao senko ki, hao senbü ka saüenlaje, haoei hao saüenla shanga chalou nyet wejan, hoba haoeibü neisimei sakjan, hoba kho tegü hinseian yeilabü.

¹⁴Hobaje setbounyet haoei jemau penyi ayingsi dukutuk shoushou penyi junglabü hoba kamshang neichem koukhün to BUNYUBOU jungto louan khübü kho ungshedbou la kulabü.

¹⁵Hobaje ungshedbouei kho che shabü lembü shanga hoba che juokbü lembü shanga kulabü; hoba ungshedbouei hao senbü shanga saumei saükulabü.

¹⁶Hobaje bousu at ka saangan apalonga, kheijinei haoei haoeibü mang pendou deia sakjan, hoba nangnak sühko asaopoko kilabü.

¹⁷Hobaje mangthembü neisimei, hoba khontak ainei ong jotdei kakan ki, deiei sakjan, hoba chasem sühko asaopoko kilabü.

¹⁸Hobaje bousu aoei yaksa to jaman jotdei anglaje, haosi hamei lulu lolo deiei sakjan hoba nangnak sühko asaopoko kilabü.

¹⁹Hobaje yaksa ka sii koubü kisi hoba kho haang tegü mang ka koubü yingalonga, sao chalou nyet asaopoko kilabü, hoba aoyouei sao to meitilaje nangnak sühko asaopoko kilabü.

²⁰Hobaje sao asaüenbü chaloua yepshang pendou asaopoko kilabü, hoba ainei ong sao setlaje asaopoko yeilabü.

²¹Hobaje aoei saoeibü shena meitilaje, haoei jembü neisimei sakjan hoba hao lolo mang yujan, hoba nangnakko asaopoko kilabü.

²²Hobaje sao setbüa aoei meitilaje, jembü neisimei sakjan, hoba hao lolo deiei mang yujan, hoba nangnak sühko asaopoko kilabü.

²³Hobaje kho yepshanga ayingsi sao ainei ong setlaje, ladang haoei khüto meitilaje hao nangnak sühko asaopoko kilabü.

²⁴Hobaje bousu atei sao to jaman sao asaopobü kho hao thük to jinkualonga, hao chalou nyet asaopoko kilabü; hoba mangthembü yepshang laoboua hao lenglaje asaopoko kilabü.

²⁵Hobaje yaksa at jembü nei leilubü jih asühjinei, jih lounyu sii saangbü jih kialonga, ayingsi sao asaopobü jih to limbo saangbü kialonga, sao asaopobü jih sühko sao asaopoko kilabü.

²⁶Sao saangbü chalou pendoua shen laoboua ong yeplaje, sao asaopoko kibü shen tegütham sao shanga kilabü; hoba sao lanei ong setlaje, sao asaopoko hoba ahinseiko kibü tegü kilabü.

²⁷Hobaje aoyouei ong khübü peitoleito meitilaje, asaopoko kilabü hoba jembü neisimei sakjan hoba deiei mang yujan hoba nangnak sühko asao- poko kilabü.

²⁸Lausikei sao sii saangbü kho saüenan kialonga, kheijinei saoei sao lolo chalou nyet welabü hoba kho phaia sao saüenan kilabü.

²⁹Hobaje setbounyet saoei jembü shanga jemau penyi ayingsi dukutuk shoushou penyi junglabü hoba khübü kho kamshang neichem koukhün lambo ungshedbou jungto jungan loulabü.

³⁰Hobaje ungshedbouei che shabü lembü shanga hoba che juokbü lembü shanga kujan hoba ungshedbouei BUNYUBOU thedanga sao asaopoko saangbü shanga saumei saükulabü.

³¹Haoen yoa kibü ngeibü lemshang neichem haoenei haoen asaopobüei shatiko haoen ühaila shanga kho tegü kanei Israelbü shuong haoen asaopobü ka bangan kitijan.

³²Habü ngühkhüm ao ka saangda, hoba ao ka jotdei longda hoba khoei hao asaopoko aptida, hao shanga ki.

³³Hobaje yaksa ao mang asaüenko ki hoba bousu yingsikei yaksa yingsikei saangko kibü hoba bousu aoei asaopoko kibü yaksa to yeplaje haoen shanga habü ngühkhümdeikhüm ki.