Read Chang Naga LEVI 18 Bible Online

LEVI 18 - Chang Naga bible

LEVI 18

¹BUNYUBOUei Mosa to laukei,

²Israelbü to lenashi, “Ngo BUNYUBOU kaneibü Mühghaü ki.

³Kan kibü Ijep kaodaka kümbü tegü kanei akümjan; hoba ngei kan leian loula kibü Kanan kaodaka kümbü tegü kanei akümlabü, haoeneibü song tegü akümlabü.

⁴Ngeibü song kanei kümshi, hoba kanei ngeibü ngühkhüm phoashi, hoba khübünei paiashi. Ngo BUNYUBOU kaneibü Mühghaü ki.

⁵Hibü kanei ngeibü ngühkhüm hoba song jungeijan; kho kümbüei müt langkei kilabü; Ngo BUNYUBOU ki.”

⁶Kan aoeikei jembü chungsi- phang to ajamjan, Ngo BUNYUBOU ki.

⁷Nyi kanyu ao kaibü nyu ki; nyi sao to himou tejungei.

⁸Nyi kaboueibü yak to himou tejungei, sao kaibü nyu ki.

⁹Nyi kaibü nousina, kabou ayingsi kanyueibü nouyangshou chema ayingsi lubüa bukbü to himou tejungei.

¹⁰Nyi kaibü jayangshoueibü nouyangnyu ayingsi kaibü nouyangshoueibü nouyangnyu to himou tejungei; aishanga haoen kaibü jembü phe ki.

¹¹Nyi kaboueibü yakeibü nou- yangnyu aotokei himou tejungei, aieilausi sao kana ki.

¹²Nyi kaboueibü nou ayingsi na to himou tejungei aieilausi sao kaibü chempen ki. Nyi kanyueibü nou ayingsi na to himou tejungei, aieilausi sao kanyueibü chempen ki.

¹⁴Nyi kabou jaishoubou ayingsi kabou nashoubou himou tebauti, tetlabü no haoyak nyangko ohaujan, sao kaibü nyumaunyu ki.

¹⁵Nyi kashoueibü yak to himou tejungei, sao kashoueibü yak ki, nyi himou tebauti.

¹⁶Nyi kajai ayingsi kanaeibü yak to himou tejungei, kho kajai ayingsi kana himou bautibü ki.

¹⁷Nyi yaksanyu si saoeibü nouyangnyu ham to himou tejungei; nyi saoeibü jayangshou nouyangnyu hoba saoeibü nouyangnyueibü nouyangnyu yoa himou alejan; haoen kato nyangyoakei. Kho asangalanbü ki.

¹⁸Nyi kaibü shaangbü yak lang kian sao to tokyoko nou ayingsi na yakla lela himou tejungei.

¹⁹Nyi yaksa nei totnyinbüa kijinei sao to tejam.

²⁰Nyi kaibü lepboueibü yak to shabü shonko tejam.

²¹Kanei kaneibü shou aokei Molek kümsilei shanga lemla akujan, ayingsi kanei kaneibü Mühghaü nyen aweasüngko tejungei. Ngo BUNYUBOU ki.

²²Nyi yaksa to tegü bousu to tejam; ho mangsenlabü ki.

²³Hobaje meisiau aitokei nyi no lolo khoei shalabü lele tejam; ayingsi yaksa aoeikei meisiau thedanga jamla loan akijan, kho songa akibü.

²⁴No lolo aikei khübünei shabü teshon; aishanga ngei kan thedang ka shian sattiko kibü phangshuong kheibü pendoua totnyinan kia:

²⁵Hobaje kaonyek shaenan kia; hibü shed shonbü shanga ngei shieikoeda, hoba kaonyekei haoeibü mütshuong inletda.

²⁶Hibü kan thedanga kibü phangshuong kaonyekei inletbü tegütham kan khoei shed shontijinei kaonyekei inletlabü shanga sangbüshou yingsikei kan yoa kibü küksithangbü yingasikei ngühkhüm hoba ngeibü matjem jungeijan, hoba khübü mangsenlabü aikei teküm.

²⁸Aishanga khübü mangsenlabü pendou kan to shaang kibü mütshuongei kümbei, hoba kaonyek shatian kia.

²⁹Aishanga aoyouei kheibü mangsenlabü kümsilei at ongkei kümlaje khübü kümbü mütshuong haoen mütli ka wapan aplabü.

³⁰Hibü ngei sakkubü kanei jungeijan, khei kan to shaang kibü shuongeibü kümsilei lulu ai teküm, hoba kan lolo khünei shed teshon, Ngo BUNYUBOU kaneibü Mühghaü ki.