Read Chang Naga JEREMIA 11 Bible Online

JEREMIA 11 - Chang Naga bible

JEREMIA 11

¹BUNYUBOU ka Jeremia jungto loubü ngüh;

²“Ho theyolanyobü ngüh shuong ditashi, hoba Jihuda si Jerusalema kibü shuong to joyoashi.

³Nyi haoen to lenshi, BUNYUBOU Israel Mühghaüei hai lauda, Ho theyolan- yobü ngüh aoei adit hao shedsikhau yingshi.

⁴Laobou ngei kaneibü pisibou shuong la ngei haoen Ijep kaodak namlüh wanhap ka leiyenjinei sakkukei hoba laukei: Ngeibü ngüh ditashi, hoba ngei kan la sakkubü pendou kümashi; kho tegü kan ngeibü mütli yinglabü, hoba ngo kaneibü Mühghaü yinglabü.

⁵Khünei tat tegü ngei kaneibü pisibousi to haoen la sendei si naodei kouko kibü kaodak kula thekubü ngei kümenlabü.” Kheijinei ngei jongaikei, “Kho tegü yingshima, BUNYUBOU.”

⁶Hobaje BUNYUBOUei kü to laukei, “Jihuda sangnyu pendou hoba Jerusalem khongyaanga habü ngüh phinthonashi; habü thebülanbü ngüh shuong ditashi, hoba khübü kho kümashi.

⁷Aishanga kaneibü pisibousi shuongei ngei Ijep kaodak ka leiyenjinei haoen to maangsanglabü kuko khei tat sühko, ‘Ngeibü ngüh ditashi,’ dogo lauko maangsanglabü kukei.

⁸Khei yingasikei haoenei ngüha ale hoba haoen nou ayem, lausikei mütpem weko lulueibü maangpon kaangbüei paikei, hibü ngei ho theyolanyobü ngüh pendou haoen thükto sungbakei, laobou ngei haoen la kümla sakkukei, lausikei haoenei aküm.”

⁹Kheijinei BUNYUBOUei kü to laukei, “Jihudabü yoa hoba Jerusalema kibü yoa huonsiyou amaibü che kia.

¹⁰Haoenei haoeneibü pisibou aoyouei ngeibü ngüh ditla haoeneibü shedbü aeto sepeinyu haua, lubü mühghaü shuong jungto haoen khangenla haoen hauan apa, Israel si Jihuda chungei haoeneibü pisibou yoa kümbü ngeibü thebülanbü leilua.

¹¹Hibü BUNYUBOUei hai lauda: Chühashi, haoen asatenlabü thushed haoen jungto sungbada; haoenei kü to ngeksikei ngei haoen to ngüha alelabü.

¹²Kheijinei Jihudabü sangnyu shuong hoba Jerusalema kibü shuong haulabü hoba haoenei juokbü lembü mühghaü shuong to ngeklabü, lausikei haoen khonsak jihsiphaia haoenei haoen akhümenlabü.

¹³Aishanga O Jihuda, kaneibü mühghaü shuong kaneibü sangnyu lajuche khüjoche ki, hoba Baal to jen juokla lemshang Jerusalem khongyaang lajuche khüjoche kan himou baulabü lemshang kanei kümakei.

¹⁴Hibü ho mütli shanga welau tele, ayingsi haoen shanga tengek ayingsi tewelau, aishanga haoen khonsak jihsi- phaia haoenei ngo ngajinei ngei aditlabü.”

¹⁵BUNYUBOUei lauda, “Saoei kümsilei amaibü kümsije ngei sanounyu sao kü chema kila ai janbü ki? Mat ngekbü hoba lembüsabü pheei kan maulabü thu apenlep lo? Kheijinei kan olinla thüklep lo?

¹⁶BUNYUBOUei cheje ka to oliv bulong sangtüngbü hemaibü buhek maibü hekbü dogo laukei. Lausikei yeithu yeinak langh yaangbü louan kho to wan sapbulabü hoba khoeibü bhek shuong kho suilabü.

¹⁷“Thükenbou BUNYUBOU aoei no kekei, haoei no khulimbo amaibü lautia, aieilausi ngo khau angtiko Israelbü chung si Jihudabü chungei Baal to juokbü lembü kuko amaibü kümsilei küma.”

¹⁸BUNYUBOUei kü la ho ngetikei, hoba ngei ngekei; kheijinei nyi haoeneibü shabü kümsilei kü la lenkei.

¹⁹Lausikei ngo eaaoabü san shoushou haitishang to leian haubü phatko kikei. Haoenei kükhu limbo huon takda dogo ngei angeko kikei, aieilausi haoenei laukei, “Senei buhek yoan bulong kho mautikho, langkeibü kaodak ka hao wapan apbho, khei, khünei touje hao nyen adamenlabü.”

²⁰“Lausikei Thükenbou BUNYUBOU aoei ngühmaia mat jemda hoba maangpon hoba dambü takteida, haoen thüka kaibü phoklambü kü la haptishima aishanga kü shangaje ngei ka la kua.”

²¹Hibü BUNYUBOUei Anathotbü shanga hai lauda: Aoyouei kaibü langkei lamda hoba lauda, BUNYUBOU nyena teteten, ayinglonga no küneibü ika hailabü.

²²Hibü Thükenbou BUNYUBOUei lauda, “Chühashi, ngei haoen shieikoelabü, heshou shuong inei hailabü! Haoeneibü nouyang jayangshou shuong müheinouei hailabü.

²³Hobaje aokei ajoulabü; aishanga haoen shieikoebü poa ngei Anathotbü thükto shieikoe sungbalabü.”