Read Chang Naga JEREMIA 21 Bible Online

JEREMIA 21 - Chang Naga bible

JEREMIA 21

¹Ho BUNYUBOU ka Jeremia jungto loubü ngüh. Ladang Zedekia Chobaei hao jungto Malkhiaeibü shou Pashur hoba Maaseiaeibü shou Zefani hautikei, haoenei laukei:

²“Kün shanga BUNYUBOU to pheashi, aishanga Babilonbü Choba Nebukhadnezzarei kün khulimbo wapyoda. Aingenyu BUNYUBOUei shangied tegü haoeibü seikümseilei jungeilabü; hoba kün ka hao sepeinyu ngaitilabü.”

³Kheijinei Jeremiaei haoen to laukei, Zedekia to kanei hai lenshi:

⁴Israel Mühghaü BUNYUBOUei hai lauda: “Chühashi, wapyobü insiaubu laobou kaneibü ika ki hoba laobouei Babilonbü Choba hoba ba thüka komlepbü Khaldibü shuong khulimbo wap- yoda, khübü kho ngei longeitilabü, hoba ngei haoen ho sangnyu to leishailabü.

⁵Ngei ngo lolo kan khulimbo ik shingan, ngeibü hauki yaangkibü ik, ngeibü khauang, ngeibü maangshat, hoba ngo maangpokbü yaangbüa wapyolabü.

⁶Hobaje ho sangnyua kibü müt hoba meisiau ham to meitilabü, hoba haoen wapyo yaangbüei hailabü.

⁷Hobaje phailathonla, BUNYUBOUei lauda, Jihudabü hoba Zedekia hoba haoeibü yaangenbü shuong, hoba sangnyua kibü lason ka, mühsinou ka, hoba shatsinyat ka jouletbü mütshuong, Babilonbü Choba Nebukhadnezzareibü ika hoba haoeneibü labou ika hoba aoyouei haoeneibü langkei lamda, haoen la khümbo kulabü. Hobaje haoei haoen inlouei haitilabü hoba haoei haoen to üeisanou ayingsi onou alenlabü.”

⁸Hobaje ho mütli to nyi lenshi, BUNYUBOUei hai lauda: “Ditashi! Ngo BUNYUBOUei kan thedanga langkeibü lamnyu hoba haibü lamnyu apyokuda.

⁹Aoyou ho sangnyua kilaje haoen inei, mü- heinouei hoba limeilangei hailabü. Lausikei ao angan kan komlepbo kibü Babilonbü la khümbo kuan aplaje haoen ashemtilabü; hoba haoeneibü langkei thamje satenlabü.

¹⁰Aishanga ho sangnyu khulimbo maibü ayingko amaibü kümla ngei jantheda. Ngei ho sangnyu Babilonbü Choba ikmang to kuan aplabü, hoba haoei ho wanei lonan apbulabü. Ngo BUNYUBOUei kho lauan apa.”

¹¹Hobaje Jihudabü Choba chemdang to lenashi, “BUNYUBOUeibü ngüh ditashi:

¹²O Dawid chung to BUNYUBOUei hai lauda: Ngeyang weko ngühmai kümashi; ao ka soshau soyungda, hao shieikoebü ik ka khümenashi; khei aying shongkoje, kanei amaibü kümbü laüa ngeibü maangshat wan tegü longlabü, hoba kho aoeikei anyettienlabü lele longlabü.

¹³Chühashi, ngo kan khulimbo kia, O yomanga kibou, O yomang laang, dogo BUNYUBOUei lauda. Kanei lauda, ‘Kün khulimbo ao loula? Kün satetshang to ao lotenla?’

¹⁴Lausikei kanei kümbü thüng ngei kan shieinangeilabü. Ngei kaneibü Choba chema wan sapbulabü, hoba wanei kho kaijembo lonshemlabü. Ngo BUNYUBOUei kho lauan apa.”