Read Chang Naga JEREMIA 47 Bible Online

JEREMIA 47 - Chang Naga bible

JEREMIA 47

¹Faraoei Gaza to angümjinei BUNYUBOUeibü ngüh Jeremia jungto Filistiabü shangabü loukei.

²BUNYUBOUei hai lauda: “Chühashi, yungkük ka yungsen loukouada hoba sopbo koubü deilo che yeilabü. Kaodak hoba khünei shenko kibü pendou haoenei jonleplabü, sangnyu shuong hoba khonei kibü pendou. Mütshuongei thuibü khambo ngeklabü; kaonyeka kibü mütshuong haapyolabü.

³Haoeneibü koli shuong youlangh anatko, haoeneibü kailong shuong nuyoko nongeibü, haoeneibü kailong you tuongbü langh ditan bousi shuongei jembü shousi shuong to achühngailabü; hoba haoeneibü hau thetan hakjung koulabü.

⁴Aieilausi Filistiabü pendou mautilabü chalou louada, hoba Tair si Sidon ka thuibü joubü pendou wapan aplabü. Aishanga BUNYUBOUei Kaftor yungko kaodaka Filistia ka jouletbü mautilabü.

⁵Gaza thükto maangmau yaang süha; Ashkelonbü ngüh alongko apakei. O jouletbü Filistia shuongei lalokche manghaapla?

⁶‘Ügütü, BUNYUBOUeibü in! dogo ngekashi. Kan lolo mepoua in shoungaiashi, haksoashi hoba sangsembo kishi!’

⁷Lausikei BUNYUBOUei ho la ngühkhüm kusi kho khei ngüh üangko kienlep lo? Ashkelon khulimbo hoba yungko khulimbo haoei kho kümakei.”