Read Chang Naga ÜGÜTÜ 5 Bible Online

ÜGÜTÜ 5 - Chang Naga bible

ÜGÜTÜ 5

¹O BUNYUBOU, kün to ai haüthükkeije damenshima. Chühashi, hoba küneibü himou to chühkai!

²Küneibü phet küksithang la, hoba küneibü chem yenbou la kua.

³Kün shoushed hoba bou akibü shuong ki; küneibü nyusi shuong latnyu la yeian ki.

⁴Künei yungbü dei shanga nam kuda, küneibü bu kün la yaakkuda.

⁵Kün shieibü shuongei kün ngüma nyatan shieida, kün hüatoua lausikei hakso aki.

⁶Shausiyung souko hapla shanga Ijep la hoba Assiria la eik kua.

⁷Küneibü pisibousi shuongei shabü shonkei lausikei touje haoen aki; hoba künei haoeneibü shedbü shabü on künda.

⁸Kün thüka aao shuongei songdakda; hoba haoen ikmang ka kün püetla ao aki.

⁹Küneibü langkei lemla kuan ong künei shausiyung hapda; aieilausi yama ineibü thushed kia.

¹⁰Müheinouei juokbü aubü ka, küneibü khon wan metjin maimai aujiauko kia.

¹¹Ziona yaksa shuong, Jihudaa medei shuong ik atko leilutia.

¹²Küneibü khuleibü dan kuia soueitaiko saüan phoakei, jailebü shuong to üeisanou alenda.

¹³Heshou shuong la khangsiko shem shitida hoba nashousi shuong buken atshaibü künan ngomeida.

¹⁴Khuleibü jaishou shuong sangnyu bakhüna asetda, heshou shuongei haoeneibü chia alauda.

¹⁵Küneibü maangpon olinbü thona kün tombülakbü kho manghaapbü la yeia.

¹⁶Küneibü khu ka khun hangleda, kün shanga ügütü, aishanga künei shed shona.

¹⁷Kho shanga küneibü maangpon shaleko kia, khübü shanga küneibü nyek yuia;

¹⁸aishanga Zion shongh inletan ki, hoba kho thüka selong shuong hongyoda.

¹⁹Lausikei O BUNYUBOU, nyi ponpendou songdakda; kaibü choba setshang meten meten sünga kida.

²⁰Aila ponpen shanga kün maan apda? Aila halokche nyi kün inletda?

²¹Nyi kün ka jungto longeitiashi, O BUNYUBOU, hoba kün sepeilabü; shangiedbü chalou tegü küneibü chalou haansang yeitibüma.

²²Lausikei nyi kün lemailela asunglet, kün khulimbo no aeibou khauangko kia.