Read Chang Naga EZEKIEL 15 Bible Online

EZEKIEL 15 - Chang Naga bible

EZEKIEL 15

¹Hobaje BUNYUBOUeibü ngüh kü jungto loukei:

²“Müteibü shou, lubü bulong toje semlüh long ai aei hoba yama kibü bulong toje semlüh bhek ai khaibou ki?

³Kho ka den che shanga waphei sunglep sai? Shikchak nyakchak, thungsiphau at anan phola shanga mütei lelep sai?

⁴Chühashi, kho jikla wan to jinda hoba wanei jijithon ham londa hoba khoeibü lom wanei juokthetda, ho kümsilei denche shanga lejim kia sai?

⁵Chühashi, pemtou kijinei kho ainei lejim akiteilonga, wanei kho juokthet- an hoba lonan phaia kho kümsilei maibü denche shanga toukei lejim kilep sai?

⁶“Hibü Thükenbou BUNYUBOUei hai lauda: Yamkabü bulong yoa semlüh long bu la jikla shanga ngei wana jinkubü tegütham, ngei Jerusalema kibü mütshuong to khei jungeilabü.

⁷Hobaje ngeibü thenyek haoen khulimbo pholabü. Haoen wan ka longlabü, lausikei wanei haoen lonlabü. Ladang ngei ngeibü the haoen khulimbo pholaje, kheijinei kanei ngo BUNYUBOU ki dogo ngelabü.

⁸Hobaje ngei kaonyek sangli- phang la yeitilabü, aieilausi haoen maangalan, dogo Thükenbou BUNYUBOUei lauda.”