Read Chang Naga EZEKIEL 2 Bible Online

EZEKIEL 2 - Chang Naga bible

EZEKIEL 2

¹Hobaje haoei kü to laukei, “Müteibü shou, kaibü youei paiashi, hoba ngei ka to joyolabü.”

²Hobaje haoei kü to joyojinei soushou kü jungto lotkei, hoba ngeibü youei loan apyokei, hoba haoei kü to joyobü ngei ditkei.

³Hobaje haoei kü to laukei, “Müteibü shou, ngei no Israel shousi shuong, khei ngo khulimbo meimeibü lenbü aditbü mütli jungto hautida; haoen hoba haoeneibü pisibousi shuongei tat sühko ngo khulimbo ngühkhüm lulima.

⁴Haoen tubüsekbü hoba ngümkaangbü mütshuong ki, hibü ngei no haoen jungto hautida. Haoen to, ‘Thükenbou BUNYUBOUei lauda,’ dogo laushi.

⁵Hobaje haoenei ngüha lesi alesi dogokei haoen yoa thuseibü che kiteikei dogo haoenei ngelabü (aishanga haoen tubüsekbü phang ki.)”

⁶Lausikei no, müteibü shou, haoen to ayingsi haoenei laubü ngüh aitokei ühütjan. Haoenei no yuktilabü; ho jakham si sinkip yoa kibü phatko kilabü. Haoen kheinyu khulimbü phang yingasikei, haoeneibü ngüh to tehüt ayingsi haoenei hatlenbü to temok.

⁷Haoenei ditsikei aditsikei nyi ngeibü ngüh haoen to lenashi, aishanga haoen kho khulimbü mütli ki.

⁸“Lausikei no, müteibü shou; ngei ka to ai lenda ditashi. Ho ngüha alebü mütli tegü no ngüha aleko teki; haa kouashi hoba ngei ka la ai oklaje shauashi.”

⁹Hobaje ladang ngei chühkei, ik che kü aeto shingan ngei hapbei, hoba khonei tulai che kiteikei.

¹⁰Hobaje haoei kho kü thedanga sengkei, hoba kho tangaenei hoba maangaenei doan kikei; hoba khonei haapbü, manghaapbü hoba maangto shatlabü doan kikei.