Read Chang Naga EZEKIEL 9 Bible Online

EZEKIEL 9 - Chang Naga bible

EZEKIEL 9

¹Kheijinei Mühghaüei langh yaangbüei ngekko ngei ditkei: “Sangnyu lombü shuong kho müt- pem weko lulueibü ika insiaubu jungan hato leiba.”

²Hobaje ngei yungkük ae yeian kibü thükkabou shemjang bakhün ka müt lak, mütpem weko lulueibü ika haitilabü insiaubu jungan louko hapbei. Hobaje haoen yoa müt cheei inyaibü nei neian dolabü moli thungshoua hopan kikei. Haoen pendou lotkei hoba chinam lemshang nyangko lokei.

³Hobaje Israel Mühghaüeibü soneikangbü kaakyembü kherabim thüka kiteibü ka angan apbei hoba Lembüchem to atshang aeto kukkei. Hobaje BUNYUBOUei nei inyaibü neian dolabü moli thung hopan kibü müt khüto ngakei,

⁴hoba hao to laukei, “Jerusalem sangnyu chenyu peithetjung haushi, hoba khünei mangsenlabü kümbü pendou shanga aoei maangto shatko hoba haapbo kije haoeneibü khüngjaa tetsida che phoashi.”

⁵Hobaje ngei ditko Mühghaüei lubü shuong to laukei, “Sangnyu danko kan hao phai semshi hoba haitiashi. Ao tejouti hoba aotokei onouko tedam.

⁶Baushi, heshou hoba medei, yaksa hoba nashou hanbü shuong shemtiashi, lausikei shensinge kibü mütshuong aotokei temeiti. Ngeibü Lembü- chem ka khangashi.” Hibü haoenei Lembüchem thedanga loan kibü jaishou shuong ka khangkei.

⁷Hobaje Mühghaüei haoen to laukei, “Lembüchem kho shatiashi, hoba shemjang kho haibü mangei shentiashi. Meimeiashi khou!” Hibü haoen haukei hoba sangnyu sünga haitila khangkei.

⁸Haoenei haitijung haujinei khünei kü mütpem apyokei. Ngei kaoae yeian kü the khümbei hoba ngekko laukei, “Thükenbou BUNYUBOU, no Jerusalem thükto maangshat lotjinei jouletbü Israelbü pendou nyi shemtilep lo?”

⁹Kheijinei Mühghaüei jongaiko laukei, “Israel chung si Jihudaeibü shedbüshabü yongko yaangkei; kaonyu khümbo siiei shenakei hoba shedshonbëi Jerusalem sangnyu shena. Haoenei lauda, ‘BUNYUBOUei kaonyu inleda; hoba BUNYUBOUei ühüpda.’

¹⁰Hibü ngeikei haoen aphokeilabü hoba onou alenlabü, lausikei ngei haoeneibü kümsilei haoeneibü khu to jinkulabü.”

¹¹Kheijinei inyaibü nei neian dolabü moli thungshoua hopbou kho longeikei hoba BUNYUBOU to laukei, “Nyi sakkubü tegü ngei küma.”