Read Chang Naga HOSEA 10 Bible Online

HOSEA 10 - Chang Naga bible

HOSEA 10

¹Jembü lang hektiko süng- yoko satbü semlüh kho Israel ki. Haoeibü hek aei yeisi, lemshon aei haoei küm, hoba haoeneibü kaonyek aei haasi, haoenei lemshang thaonyu aei jinyokei.

²Haoeneibü maangpon amlangbü shedbü shanga haoenei on künlabü. BUNYUBOUei haoeneibü lemshon netla yeitikulabü hoba haoeneibü thaonyu shuong leilutikulabü.

³Maimaitham touje haoenei laulabü, “Künei Choba aki, aishanga künei BUNYUBOU to ühütda, hoba Choba khoje hamanga, haoei sen to ai lauenla?”

⁴The- yolanyoko, haoenei amlang ngüh lauda, hibü shapbü seka komsang yembü tegü matjembü longlabü.

⁵Samariaa kibü shuongei Betha- venbüeibü masu shoushou shuong shanga hatko kilabü, aishanga kho shanga mütshuongei mang haaplabü hoba kho thüka heangsho lembü ungshedbou shuong haaplabü; haoeibü soneikangbü satbü shanga haoen haaplabü.

⁶Tokei kho Jereb Choba jungto jongsak che shanga Assiria to jungan haulabü, Efraim himou haplabü, hoba Israelei heangsho shanga himou baulabü.

⁷Dei thüka okjok tegü Samariaei jembü Choba maulabü.

⁸Aven shonghkhu lemshang, Israeleibü shabü hangshong leilutikulabü; haoeneibü lemshanga sang si jaklong yemlabü; hoba haoenei shonghnyu to “Kün tetlepashi”, hoba shonghshou to “Kün thük to lotshi” dogo laulabü.

⁹“O Israel, Gibea haang ka nyi shabü shona, khünei haoen athakko loan kia, Gibeaa haoen laphetko wapyoko aloulep lo?

¹⁰Ladang ngei maanganglaje ngei haoen shieinangeilabü; ladang haoen ngühkhüm leilubü penyiei haoen khühlaje, haoen khulimbo mütshuong yoshailabü.

¹¹“Youshou nakla lenenbü masu saoen phatko Efraim kikei; lausikei saoeibü ngüm hemaibüa kaang ajinku. Ngei Efraim la sek shapbü kaang jinkula janthetkei. Jihudaei kao laünyinlabü, hoba Jakobei kao yentilabü.

¹²Ngei laukei, ‘Kan shanga sek haanbü shapashi, saopobü wenashi, hoba kanei kü la khümbo kubü ka longbü haülabü hek latashi. Ho kan shanga ngo kaneibü BUNYUBOU jungto sepeilabü jihsiphai ki, hoba ngo loulabü hoba kan thük to haülabü jonan koutilabü.’

¹³Lausikei kanei amaibü kümsilei wenkei hoba khoeibü shedbü latkei. Kanei yepeijawebü ka longbü buhek shaua. “Aishanga kanei koli kailong hoba lakjaibü sepai mütshang to maanglembeibü,

¹⁴ka mütli jungto wapyosuyo loulabü, hoba kaibü lapheishon khümbo leilulabü. Ho wapyo jihsiphaia Shalman Chobaei Betharbel sangnyu leilutikubü tegü kilabü; hoba khonei nyu shuong si haoeneibü shousi shuong netlaphoula yeiko jangnyinkei.

¹⁵O Bethel, kaneibü amaibü kümsilei haangjung kan to khei loushedlabü. Lason khangsilengko enyutham Israel Choba hailabü.”