Read Chang Naga HOSEA 14 Bible Online

HOSEA 14 - Chang Naga bible

HOSEA 14

¹O Israel, BUNYUBOU ka Mühghaü jungto sepeiashi; aishanga kaibü shedbü hangshong no tuongakei.

²BUNYUBOU jungto sepeiashi, hoba nyi ka yoa habü subüjabü ngüh künashi hoba hao to lenashi: “Shedbüshabü pendou künlangashi, hoba ai maibü ki kho sungletashi, hoba küneibü sembungkhop lembü masu pongsu shuong tegü künei kulabü.

³Assiriaei kün akhümenlabü, kün kolia satlabü ayingsi küneibü ikküm iklei shuong to touje ‘Kan küneibü mühghaü shuong’ dogo alaulabü; aishanga ka to bou akibü shuongei üeisanou hapda.”

⁴BUNYUBOUei lauda, “Haoen sukjung ngaibü ngei maitilabü. Ngei haoen to maangpon khümboei sanoulabü; aishanga ngeibü khau ang longbü hao ka sepeingaia.

⁵Ngo Israel thedanga nindei tegü kilabü, leilang khüpbong tegü hao punglabü, hoba Lebanon tegü haoeibü li yanlabü.

⁶Haoeibü bhek shuong haakyoko koulabü, hoba haoeibü hemaibü kho, Oliv bulong tegü kilabü, hoba ponlem Lebanon tegü kilabü.

⁷Aoyou haoeibü yemekoubü phanga kida, haoen sepeinyu longeilabü; youlong tegü haoen nyibou longlabü, hoba semlüh tegü ponlabü. Haoeibü ponlem kho Lebanon kabü semlüh lem tegü kilabü.

⁸Efraimei laulabü, touje ngo heangsho to ai phejan ki? Ngei jongaia hoba hao weeilabü; ngo fir bulong sangtüngbü tegü ki, kü ka kaibü buhek hapda.”

⁹Ao songei keikei, haoei habü ditenashi, ao tetdangbü, haoei habü ngeashi; aishanga BUNYUBOUeibü lamnyu tangshaitham kia, hoba ngühmaanglanbü khübünei pailabü; lausikei ngühkhüm leilubü shuong khonei tuonglabü.