Read Chang Naga HOSEA 3 Bible Online

HOSEA 3 - Chang Naga bible

HOSEA 3

¹Hobaje BUNYUBOUei laukei, “Tokei hauashi, thangnyu che ao saoeibü thangbouei sanouda hoba asangalan sao che ki sao sanouashi; khei Israel shousi shuongei lubü mühghaü shuong to sepeiasikei hoba kismis wentek sanouasikei, BUNYUBOUei haoen to sanoubü tegü, nyi sao to sanouashi.”

²Hibü ngei sao chandinam shekel anthük ngao hoba barli youshou seret saongaoto anjinsemei jekthetkei.

³Hobaje ngei sao to laukei, “No kü yoa chalou juong kishi, no asangalanbü ayeilabü hoba no aoeibü yak kei ayinglabü, ka thedanga ngo kei khei kilabü.

⁴Aishanga Israel shousi shuong chalou juong Choba akiko, leyeibü akiko, hoba haitibü lembü akiko, hoba saopobü thaonyu akiko hoba efod ayingsi terafim akiko kilabü.

⁵Phaila Israel shousi shuong longailabü, hoba BUNYUBOU haoeneibü Mühghaü hoba haoeneibü Choba Dawid lamlabü hoba thonlama hatbüei BUNYUBOU jungto hoba haoei maibü jungto loulabü.”