Read Chang Naga JONA 2 Bible Online

JONA 2 - Chang Naga bible

JONA 2

¹Kheijinei ngauyaangeibü shimung ka Jonaei BUNYUBOU haoeibü Mühghaü to hai lauko welaukei:

²“Ngeibü khonsak ka ngei BUNYUBOU to ngakei. Hobaje haoei kü to jongaikei; Sheol shimung ka ngei ngekkei; hoba nyi ngeibü ngüh ditkei.

³Aishanga nyi ngo haübou ka yungnyu chenyu to ngakei; hoba ngo kaijembo yungsen kikei. Kaibü deishou hoba kaibü deilo kü thük ka dankei.

⁴Hobaje ngei laukei, ‘Ka the ka ngo apa; ngei kaibü lembüchem aeto lai chühngaila?’

⁵Kü langkei thüka deiei jonlepbei, haülangbüei ngo kailepan kikei; ngeibü khua deisang hausheian kikei.

⁶Ngo shonghyou sühko koukei; kaodakei ngo thangtetbüei ponpen shanga kü thüka khinlepan apbei. Khei yingasikei, nyi ngo püngkhün ka sungenkei; ‘O BUNYUBOU, ngeibü Mühghaü.’

⁷Ladang kü maanga kü soushou semthetkei, kheijinei ngei BUNYUBOU damenkei; hoba ngeibü welau ka jungto lembüchem to lotkei.

⁸Aoyouei amlangbü lejim akibü shuong weeida, haoenei jembü sanoudambü inletnyu apda.

⁹Lausikei nyensang kubü ngühei ka la haitibü lembü kulabü. Ngei ai thekeilankei kho kulabü. Khümenbü BUNYUBOU ka louda!”

¹⁰Hobaje BUNYUBOUei ngao- yaang to joyokei, hoba haoei Jona kaolina lean ngaitikei.