Read Chang Naga JONA 3 Bible Online

JONA 3 - Chang Naga bible

JONA 3

¹Hobaje BUNYUBOUeibü ngüh nyibou Jona jungto hai lenko loukei,

²“Meimeiashi, sangnyu yaangbü Ninevi khüto hauashi, hoba ngei ka la sakkubü songlen ngüh khüto ngekashi.”

³Hibü Jona meimeikei hoba BUNYUBOUeibü ngüh tegü Ninevi to haukei. Tou Ninevi sangnyu kho chalou semnyet lam, aeibou hangenbü sangyaang che kikei.

⁴Hobaje Jonaei nyetche lam sangnyu to atla khangkei hoba haoei ngekko laukei, “Ninevi mautila touje chalou saonyi ong kia!”

⁵Hobaje Ninevi mütshuongei Mühghaü to mailembei, hoba haoenei mühei nyengbü che huiletkei hoba haoen yaangbou ka hanboutham sühko senounei neikei.

⁶Hobaje ngühlang khoei Nine- vi choba sühkei hoba hao choba setshang ka meimeikei hoba hao ka chobaeibü neisimei hangletkei hoba senounei neikei, hoba tapa setkei.

⁷Hobaje haoei ngekletkei, hoba Ninevi nyakko hai lauko phinkei: “Müt yingsikei, meisiau yingsikei, masu yingsikei, lon yingsikei, ailakei teshauteyungti.

⁸Lausikei müt hoba meisiau ham la senounei neitishi, hoba Mühghaü to kaang ngektiashi; haü, haoen haoeneibü ik shatyobü ka hoba haoen mütpem weko amaibü lam ka sepeitiashi.

⁹Aingenyu, sen amaulabü lele Mühghaü maangpon sepeilabü hoba hao kaangbüsekbü khauang ka sepeilakei aoei ngekei?”

¹⁰Hobaje Mühghaüei haoen amaibü lamnyu ka sepeibü kümsilei hapbei. Hibü Mühghaüei, haoei haoen to kümlabü dogo laubü amaibü ka maangpon sepeikei; hoba haoei kho aküm.