Read Chang Naga JONA 4 Bible Online

JONA 4 - Chang Naga bible

JONA 4

¹Lausikei khoei Jona aeibou khauangkei, hoba hao maangpokkei.

²Lausikei haoei BUNYUBOU to welaukei, hoba laukei, “Ngei ka to welauda, O BUNYUBOU, ngeibü kaoa kijineithama ngei ho ka to alen lo? Khei yingbü khoei ong, ngo Tarshish to panteiko satkei; aishanga no onoua keibü Mühghaü, hoba üeisanou dambüei shenan khauangla maangyangsho, hoba sanoudambüa apsileko, hoba amaibü ka no maangpon sepeida dogo ngei ngekei.

³Hibü tou, O BUNYUBOU, ngeibü langkei kü ka leashi dogo ngei ka to sudajada; aishanga kü shanga lang akiko haibü ong maibou.”

⁴Hobaje BUNYUBOUei jongaikei, “No khauangla janbü sai?”

⁵Kheijinei Jona sangnyu ka satkei, hoba sangnyu chaangboua setkei; hoba hao shanga kho yeme phanga sangnyu kho aila yeilaje kho haoei ühüpshongko setan kiteikei.

⁶Hobaje BUNYUBOU Mühghaüei amlüh che Jona thüka khuitikei, hoba hao senyüh ashembü ka khümenla, khei kho haoeibü khu thüka yeme che yingtila hao küplepbo khuitikei. Hibü amlüh shanga Jona aeibou olinko kikei.

⁷Lausikei nyibounyet langngejinei Mühghaüei yang che lamlekei, hoba khoei amlüh to taksi kho yuian apbei.

⁸Hobaje ladang chanyu longkei Mühghaüei chaangbou yei aubü che lamlekei, hoba Jonaeibü khua chanyuei juoksi khei hao semthetnyu apbei, hoba haila sukeijakei, hoba laukei, “Kü shanga lang akiko haian apbü ong khaibou.”

⁹Hobaje Mühghaüei Jona to laukei, “Amlüh shangabü no khauangla janbü sai?” Hobaje haoei jongaiko laukei, “Ngo hailabü lele khauangla janbü ki!”

¹⁰Hobaje BUNYUBOUei hao to laukei, “Amlüh laobou nyi aküm, hoba laobou nyi ayemti hoba laobou youche kanglanga longkei hoba youche kanglanga yuikei, kho shanga no khauangda.

¹¹Khülongaje Ninevi sangnyu sangyaang khütetche, laonei do angebü nashou ongkei müt hajar saongaoto saoche, hoba samkeisamuk juongnyu ki, khüto ngei aonoulep lo?”